Zarhpi Ni Angelus thlacamnak ah Pope Leo cun siahkhawng tu le farasi pawl tahthim thu a sim ih zumtu pawl cu tangdornak le thinlung tha nei ih Pathian thawn pawlnak nei ding in a sawm a si.

Apostolic Inn ih kohka te in thu a simnak ah Pope Leo XIV cun Gospel cathianghlim sungih kan siar mi thuhla kalhawk mi ruah sal in Farasi  pawl an mah le mah hmanzet in an ruataw thu le siahkhawng tu cu an sualnak an thei ter thu a sim a si.

Mi tha ngaingai ih a ruat aw mi le midang hmuahhmuah a hmuhsuam pawl hnenah a simmi a si tin pope cun a sim. Veikhat ah mi pahnih thlacam dingah Biakinn ah an feh Pakhat cu Farasi a si ih pakhat cu siah khongtu a si. Farasi pa cu hlat nawn ah amah lawng a ding ih titin thla a cam Maw Pathian kei cu midang vekin ka duhham lo thuphan ka per lo in taangtawm sualnak tla ka tuah lo ruangah ka lo thangthat. Khitawki h a ummi siahkhongtu vek ka si lo ruangah ka lo lawm. Bawipa ih hmai ah capo zet in thla a cam.

Sikhalsehla siahkhongtu pa cu hla nawn ah a ding ih vanlam hman hoih ngam lo in a taang a cuum ih Maw Pathian zangfah hram aw, kei cu misual ka si, tiah a ti.

Pope cun zumtu pawl hnenah siahkhongtu pa cu a mah a sinak pom in thla a camnak hi kan nih zumtu pawl khal in thazang kan lak pek. Kan mah sualnak thih lo in kan cohlang dingih Pathian ih zangfahnak ah kan um pei.

Netabik ah Pope cun tangdornak cun sunglam damnak le Pathin ram thanglian a cangter a si. Mi capo pawl a tel lo ih mi tangdor pawl lawng an tel asi.

Hi thuthang cu Vatican thuthang ih kan don mi a si.