1.Nunram ti mi cu raldonak vek asi. Na bah khal le  tho thei ding in zuam aw.

2. Mitin ih kan phi rero mi nunram caa a um a si. Ziang tin kan tuahsuak ding ti kha a thupi mi asi.

3. Caankhat caanhnih ah kan paih lo mi thil pawl a cang tikah a thabik in pahtlang aw.

4. Si duh mi hnak in a tul mi sawn tuah thiam kha a tha sawn.

5. Sual nak pakhat tuah ngah pang sile pom thiam cih aw.

6. Nunram theory tuah caan ah sual ding kha tih hlah. Sual nak ti mi cu hmuhton nak ih saya pakhat asi.

7. Ziangvek hnatuan khal le manhlat thiam dingin zuam aw.

8. Fimthiam nak hawl caan ah fimthiam nak hawl aw, koppi hawl caan ah koppi hawl aw, fimthiam nak hawl caan ah nupi pasal hawl hlah. Duh nak pakhat men in nunram tungding ding ti cu a ngah lo.

9. Theihkauh nak ding hrangah ningzak hlah. Fimthiam nak zir nak ah kutdawt an ti asi.

10. Na kiangkap ih um tu mi hrekkhat in na hlawhtlin nak kha lo theihpi ding an hngilh ih na tlaksiat caan ah kut zung sawh ding kha an hngak asi.

11. Mitin kha zum pang hlah aw. Nangmah thawn a pehpar aw tu tin ih kutsung ah hmuh a theih lo mi namte a um thei asi.

12. Kan par ah that lo nak an tuah ngah asile ngaidam thei dingin zuam aw.

13. Paisa thawn pehpar in mitin kha zum ol tuk hlah.

14. Hmaisong sile tai tla a tel cih thei, A cang thei lo asile fimkhur zet in el ngam aw.  

15. A  cang thei lo mi kha ruat ciamco hlah. Ruahsan nak in ni nikhat ah harsat nak a lo pek thei asi.

16. Duh cu duh ko aw. Thinlung in thaten tuar in thluak thawn tifukfo tak in thu thencat aw.

17. Pek hlan aw sinan pakhat khat ngah sal ding cu ruat hlah..

18. Mitin na duhdawt thei lo hman ah hua hlah aw.

19. Zangfahnak thawn an tlak lo sile theih lo nak thawn sam sile thin a nuam bik asi.

20. A cang thei lo timi na pom caan a tam sile a cang thei mi thil pawl kha an hlo theh ding asi.

21. Tongthiam lo hman ah ngaisak thiam nak nei tu si dingin zuam aw.

22. Mal te lawng tong awla tampin ngaisak aw.

23. Pekhlan nak tuah thei lo hman ah a cang thei tawk in bawm aw, kan kut cu lak nak ding asi vek in pek nak ding khal atul asi.

24. Tenren tul nak ah tenren in khawl a tul nak ah khawl aw. Ti forkhat ih manhlat zia cu tihal tuk lawngah theih vekin paisa fangkhat ih manhlat zia khal paisa neih lo caanah thei ding asi.

25. Theih lo sile thei vekin um hlah. Theih lo sile sut aw. Thusuh nak a um sile a phi pakhat cu a um ringring asi.

26. Nikhat ah casiar caan kha dangten ret aw. Casiar nak in thluak kha thanso dingin tuah thei asi.

27. A nih cu ziangvek minung a si ti hnak in keimah hi ziangvek minung ka si ti kha ruat hmaisa sawn aw.

28. Midang ih kutzuang in sawh hlah ah mah kha kutzungpi tung thei ding in zuam aw.

29. Caan khel ih lungawi thu sim thiam ding kha hngilh ding asi lo vekin ngaithiam dil ding khal ah tawrit lo ding.

30. Mihrekkhat ih an lo rel sile pomthei ding in zuam aw. Hlawhtling tu mipakhat cu kiangkap ih relsiat nak kha tuar thei nak an nei asi. Ngamhuai zet in pahtlang aw.

Credit to owner with respect.