Pope Leo XIV cun a rei hla ih mithianghlim pa sarih khaisan ding hrang Pathian biak dingih a ra tu pawl zumtu pawl ih ruahsangnak si ding tin a sim a si.

Zarhpi ni ih st. Peter tualrawn ah mithianghlim pa sarih khaisan an si hnu Pope Leo XIV cun khawm caan hrang leitlun hmun tinkim ihsin a ratu pawl hnenah thu a sim a si.

Cuih zarhpi ni puai cu tikcu caan le hmunhma hril lo in, tong phun kim le nunphung pawl hmuahhmuah ih um mi zumtu pawl ih pawlkomnak cu kanmah pawl Pathian ih miphun, khrih ih ruangpum le thianthlarau ih a nungmi biakinn siding in pawlkon ter mi cu in thei ter sal a si.

Mithianghlim Ignatius Maloyan, mithianghlim pakhat ciar thuhla a simnak ah Armenia ah thudik thuhman hrang thih a tuartu Bishop Ignatius Maloyan cu hmasabik ah kan thei sal ih a nih cu Khrist ih thinlung thluntu Bishiop a si tin theih a si ih, zonzaih harsatnak tuar caan ah a tuu rual pawl tansan ding hnakin thazang a cang ter a si tin Pope leo cun a sim fiang a si.

Zalen ding hrang amah ih zumnak kalsan ding an ti tikah a nunnak pek tiang ih Pathian a hril sawntu a si ih, a sawn lo mi zumnak in thinglamtah cu lungto parah phun mi Armenia miphun pawl cu ruatsal in Pope cun mithianghlim Ignatius ih dilsaknak in zumtu pawl tha thar in ngah ter sal ih rualremnak le remdaihnak keng hram seh tin thla a cam a si.

Cun Papua New Guinea ih mithianghlim thar thuhla a sim ih Pope cun mithianghlim Peter  To Rot vekin zumnak hngetzet ih um dingin a sim ih mi menmen Pathian thu simtu a si nan leitlun ralpi pahnihnak laiah biaknak lam hna a tuan ih thuneitu pawl hmaton in innsang din dingih thianghlimnak, nupi tampi neinak ihsin a kham a si. Cuih mithianghlim ih tikcu caan cu a sia zet ih kan zaten hrang tih a nung zet a si. Asinan kan pa Pathian cu kanmah thawn a um ti tongkam pawl cu Pope Leo cun thei sal ih thuhman kilhim ding le kan ton mi harsatnak pawl cu Pathian rinsan in forhfilnak a nei.

Venezuelan ihsin mithianghlim Jose Gregoria Hernandez le Garmen Rendiles upat peknak ah Pope cun anmaih zumnak, ruahsannak le duhdawtnak thawn pehpar ih ralthatnak pawl in hmuh ih tun caan Pathian biak dingih ratu pawl in zirh a si. Zumnak cu kan nunram sung midang hrangah tleunak siding in in zirh asi.

Ruahsannak cu tuahtuannak hrang caan tawite hrang lawng a si lo thu in thei ter a si. Pathian hnen inlaksawng kan ngah mi duhdawtnak cu damlo mi pawl, mi farah le mi nauta pawl rian dingin in ko a si. Hi thuhla cu kan thinlung sungah ret in kan kiangkap um mi pawl thianghlimnak ah hruai in Pathian ram kau nak dingah tuantlang ding forhfial nak a nei a si.

Mithianghlim Maria Troncatti le mithianghlim Vincenza Maria Poloni cule Ecuador ram ih um Salesian Pathian hnatuan Maria Troncatti thuhla a simnak ah Pope Leo cun zumnak le thlacamnak ihsin kan ngahmi duhdawtnak thawn ruangpum le thinlung dam ter thu thupi zet in a sim a si. Mithianghlim Maria Troncatti cu zangfahnak sister pawl din tu cu damlo pawl, mi ih ziangsiar lo mi pawl parah Khrih ih zangfah lainatnak a lang ter a si. Mi famkim lo pawl rian nak ah thianghlimnak a langter a si.

Netabik ah Pope cun mithianghlim Bartolo Longo thuhla a sim a si.  A hlaah cun zumnak thawn a hlatawk nan nu le pa nei lo, mi farah le thin thanau mi pawl hrang zangfah lainatnak hnatuan tuan dingin a mah le mah a pekawk ih Rosary thlacamnak a thangso ter a si.

Hi thuthang cu Vatican thuthang ih kan don mi a si.