Mithianghlim Pope John Paul II
October 22, 2025
Pope St. John Paul II cu Karol Jozef Wojtyla, Wadowice khua ah May thla ni 18, 1920 ah a suak. A mah cu an unau thum sungah nauta bik a si. A unaupa Edmund Kum 9 a kim tikah a Nu a thi ih St. John Paul cu kum 12 a kim, kum 9 hnu ah a Pa in a thih san. A unau nu Olga cu John Paul a suah hlan ah a thi.
Fimzirnak a thehnak hnu, St. John Paul cu Jagiellonion University ah a lut. Cuih kum Nazis pawl University an nai tikah St. John Paul cu nunnak hrang ah cetzung ah hna a tuan. Pathian in Puithiam si dingin kawhnak a ngah ih Krakow Seminary ah ca a zir.
Leitlun ralpi veihnihnak theh tikah ca a zir sal ih kum 1946 November ni khat ni ah Puithiam a cang. Rome ah a feh ih theology doctorate a theh zumnak thuhla St. John ih Thinglamtah timi thesis a ngan. Cunah in Poland a kir sal ih Vicar in Parish pawl ah hna a tuan.
Ombi bishop le Krakow ah kum 1958 le kum 1964 krakow Archbishop a tuan. Pope St. Paul VI cun Kum 1967 ah Cardinal sinak an pek. Wojtyla Cardinal dinhmun in Vatican Council veihnih nak ah a tel.
October 16 kum 1978 ah Wojtyla Cardinal ihsin Pope ah an hril a si. A mah cun John Paul II hmin a lak ih Kohhran ih Pope 263 nak a si. A mah cu kohhran in a reibik kum 27 tiang Pope tuan tu a si.
Pope St. John Paul II cu Italy lenglam ah vei 104 a tlawng ih Italy ram sung ah vei 146 a tlawng a si. A mah cun ramsung hotu pawl thawn, Pathian biak dingih a ratu pawl thawn leh zumtu pawl thawn tonkhawmnak a nei a si.
Hi thuthang cu Angelus thuthang in kan don mi a si.
