Mimal le Pawlkom
401. Milai khawsak daan cu ziang tivek in a si?
Milai in a milai sinak le Pathian ih khawhnak thawn peh tlaih awknak a nei. Leitlun mi zaten Pathian hnenih feh dingin khawh mi kan si. Innhnen duhdawtnak le Pathian duhdawtnak cu ṭhen theih a si lo.
402. Mimal le pawlkom ih pehtlaih awknak cu ziang tivek a si?
Pawlkom pohpoh ih a thupibik mi cu milai a si. Pawlkom, ṭhuthimnak ah, innsungsang lole pawlkom pakhatkhat tivek cu milai hrangah a um a ṭul tengteng a si. Hmunkhat sinak thupi ah reih tuah mi ram pakhatkhat ih pawlkom lole leitlun pawlkom tivek hi a thupi zet mi a si.
403. Thupi lemlo le dinhmun niam deuh pawl cu ziangtin pehthlaihnak tuah ding a si?
Pawlkom sang pawl in pawlkom niam pawl cu a ṭul dan vek in bawm ding an si.
404. A dikmi milai pawlkom cang dingin ziang mi a ṭul?
A dikmi pawlkom si thei dingin dingnak le tawkzawn ruah thiamnak, a dotdot in manṭha neihnak le thlarau lam le leithlun thilri pawl upatnak ṭhaten neih ding a si. A bik in, sualnak in milai nuntu khawsak dan a siat suah a si le thinlung thlengnak le nunthar neihnak ding hrangah siseh Pathian ih thlawsuah ngahnak ding hrangah siseh zuam a ṭul. Mizakip in ṭhatnak co thei dingin milai pawlkom dinhmun le um dan thleng khal a ṭul. Duhdawtnak cu a sangbik mi milai pawlkom awknak dan pi a si.
