Mai fa le hnen nitin sim ding mi tongkam pawl cu nauhak ih thinlung ruah nak, nuncan ziaza hrangah a thupi zet a si. Curuangah nauhak hnen nitin tong ding mi tongkam hrekkhat kha ka run tar lang ding.

• “Ka lo duh”

Hi tongkam cun nauhak kha thin hnangam nak le zumnak a pek a si. Ziangvek dinhmun a si khal le na duhdawtnak cu a thleng aw dah lo ti kha theih ter nak ah a si.

• “Ka lo suang zet”

Nauhak ih an hlawhtlin nak fa tete khal sunlawih aw. Hi mi cun an zumnak a thang ter ih zuam duh sinsin nak thinlung a nei ter.

• “Ziangtin na ruah?”

Nauhak ih thinlung ruah daan kha theih sak ding ah sut aw. Hi ti vek ih sut nak cun nauhak cu a thinlung ruah nak pawl sim ngam nak a nei ter ih innsungsang ah thuthp um lo ding in a tuah thei a si.

• “Na tuah thei”

Nauhak kha zumawk nak thapek nak tongkam a si. An thil tuah thei nak kha theih sak ih tha pek nak cu an thinlung a hngetkhot ter a si.

• “Veikhat veihnih sun nak ti mi cu a um thei asinan zuam sal ding kha a thupi”

Sunnak pawl kha pahtlang daan zirh aw. Nunram ah sun nak ti mi cu a um theu ko nan zuam sal dingih thapek nak tongkam cun nauhak kha zuamduh nak a nei ter a si.

• “Lungawi thu simaw”

Nauhak ih a lo bawm tikah lole ziaza tha ih a um tikah “Ka lungawi” tin sim aw. Hi mi cun nauhak kha lungawi thiam nak thinlung le ziaza tha a thangso ter a si.

• “Tawlrel tlang uh”

Harsat buainak pakhat tong caan ah nauhak kha a mah te lawng a si lo ti mi kha thei ter aw. Innsungsang zate in kan pahtlang tlang ding ti mi ruahsan nak hnget pek aw.

• “Na ruah dan kha ka duh”

Nauhak ih ruah daan le thu a tawirel dan pawl kha na ngaih sak thu sim mi cun an ruahnak le an theih nak kha a thangso ter a si.

• “Ziang na cang in sim aw ka lo ngai sak ding”

Nauhak kha an buai nak pawl sim dingah nor aw. Na ngai sak ding ti mi a theih a si le nauhak in a lo sim ding a si.

• “Nang cu Nu le Pa hrangah a thupi zet tu pakhat na si”

Nauhak kha an mah pakhat cio ih an si nak theih sak aw. Hi tongkam cun nauhak cu an mah le an mah an zum awk nak le an man kha a khai san sak ding a si.

Hi tongkam pawl cun nauhak ih thinlung ah nuncaan ziaza tha kha tha a pek thei a si. Nitin tei tuahnak thawi tha pek nak tongkam pawl cun nauhak ih nungram kha a tha bik in a thleng aw ter thei a si.

Credit: