Pope Leo XIV in Kawlram le rambuainak hmun pawl ah doawknak an cawl theinak dingah le remdaihnak a um theinak ding hrang zaangfah dil. (October 19, 2025)
Pope Leo in Kawlramah doawknak a cem theinak dingah le Holy Land le Ukraine ram khal ah a hleice in doawknak hmunah remdaihnak hrangah thla a rak cam sak.
Leitlun huap mission Sunday ni St. Peter tualrawn ih Missa sumnak theh ah Pope in leitlun hmun tinah remdaihnak a um thei nak dingah thlacamnak a rak nei.
Pope in 2021 May thla thok lai in ralbuainak pehbet in a tuar rero tu Kawlram ah doawknak cawl dingah a rak dil ih Nisuahnak thlanglam Asia ram a si mi Kawlram in thei mi thuthang pawl hi “riatsiat za” a si thu langsar zet in a rak sim.
A mah in ram mipi pawl le inn pawl a siatsuah tu le vanzam thawng bom thlaknak pawl parah a riahsiat thu a langter ih hi buainak pawl ruangih harsat tuartu zate pawl thawn naiten a um pi thu khal langsar in a rak sim.
A rang theibik le a ngaingai in doawknak a reh theinak ding hrangah thinphang zet in a thar in zaangfah ka lo dil “tiah Pope in rak sim bet. Famkim ten teltlang ih din mi thurel tlangnak in ralthuam pawl kha remdaihnak ih hmarua ah si hram seh” tiah a rak sim. Pope in ralbuainak ruangah harsat tuar mi a dang hmunram pawl le Ukraine, Holy Land remdaihnak hrangah thlacam saknak a rak nei bet.
Pathian in a hman ih a dik mi remdaihnak hawl dingah Ramuk tu zaten fimnak le tuarthiam theinak thazaang lo pe hram seh” tiah Pope in a rak sim.
Zarhpi sun Angelus thlacam hlan te ah Pope in Pawlpi ih Mission Sunday hngilh lonak ah Khristian pawl hnenah Pathian le Pawlpi ih Mission hnatuan nak pawl cohlang dingah a rak sawm.
Pawlpi cu missionary a si, a sinan tui ni ah kan mah pawl cu Gospel thuthangtha kha a thei hrih lo tu pawl hnen sim dingah zianghman tuah ngah lo in a suak tu nunau, mipa pawl hrangah a hleice in thla ka cam tiah a rak sim. hi mi thuthang cu Vatican thuthangin a remcang ding zawngin kan ngan mi a si.
