Cu vek ralkap colour phunphun, Pope kiangkap ding theu pawl cu na ruat dah maw?
Zo pawl an si?
Puai caan kilhim tu lawng a si maw?
Ziangruangah Swiss Guard tin koh an si?
Hi mipa pawl hi zuk nung cang thiam an si lo. Model khal an si lo. Ralkap, Zumnak, Rinumnak le pumpeknak ralkap an si.
Leitlun ih ralkap upa bik Pontifical Swiss Guards tin koh an si.
Tuanvo thianghlim
Kum 1506 ihsin a thok ih Pope Julius II, “ The Warrior Pope” tin thei hlawh cun Swiss Confederation hnenah Kohhran kilhim dingin mi raltha fial ding a dil.
Ziangruangah Swiss?
A san cu Europe ram pumah Swiss pawl cu an ral tha, an thununawk nak le an rinumnak ruangah mi ih thei zet mi an si.Nawhthuh an pek thei lo. Mi phatsan hnak in thih duh sawn mipa an si.
May 6,1527 ah Sack of Rome lai ah Swiss Guards 144 cu ral pawl in Vatican an do lai ah nghet zet in an do a si. An do awk nasa zet, Pope Clement VII cu zin thup hmangin a tlan suak nak dingin an nunnak an pek a si. Mi 42 lawng an damsuk a si.
Thlarau thil theng theu
Swiss Guard thar thutiam tuah a si le Pope flag hmaah an bawkkhup, kut zung pathum an phar, Trinity Thianghlim kohhmuhnak a si ih hitin thutiam an lak a si.
“Supreme Pontiff le a thluntu pawl cu rin um zet, rin um zet le zah um zet in hna ka tuan ding tin ka tiam a si: cun a tul a sile ka nunnak khal hlan dingin” an ti a si.
Zo pawl Swiss Guard tuan thei?
Swiss khua mi a si tul. Catholic rin um zet. Mipa kum 19-30 karlak. Metre 1.44 (ft 5.3”) hnak ih niam lo. Switzeland ah ralkap training theh zo mi. Cun, a thupi bikah cu Khrih le Kohhran hrang dudawtnak thuk zet nei.
An Motto
“Rakthatnak le rinumnak”
An hnatuannak cun Khrih thu sum mi in thei ter sal a si.
Pope ih Personal Guardian
Kum 2025 ah Pope Leo XIV cun Swiss Guard thar 27 pawl thutiam laknak cu a mah rori in a hoha. Kum 1968 hnuah thutiam an laknak a telpi hmaisa bik a si.
Swiss Guards pawl cu Pope kilhimtu lawng an si lo. Thianghlimnak in a cancan ralthuam a hruk theu tih thei ter sal nak a si, Cun, daiten an um lai khalah duhdawtnak cu a hmun ringring a si tih lang ter tu an si
