Zarhtin mipi thawn tonkhawmnak ah Pope Leo XIV cun Jesuh ziangkim a si nan kan nunram ih kan ton mi thatnak le thatlonak ah mi thlamuan a si tin a sim a si.

Jesuh thawn khualtlawng tlang ti mi sullam cu zingkim lakah humhimnak hmu tinak a si. Kan ti hal  harsatnak le kan zonzaihnak kar lah ah, kan nunram in dawnkhamnak ihsin kan luat theinak dingah a si.

Pope Leo XIV cun tlawngkai nithum ni zinglam, St. Peter’s Square ih mipi pumkhawm pawl hnenah hi thlamuannak thu ‘Jesuh Khrih, Kan Ruahsannak’ thulu thawn Pathian thu zirhnak a nei a si.

Minung pawl kan tawn mi ruatkir sal in, Pope cun kan nun hminsinnak thinlung le tlaitheilo kan sinak cu a pawm a si.

A cancan cu lungawi in kan um ih a cancan cu siahsia in kan um a si. Kan lungawi maw, kan riahsia maw, kan thinlung a buai maw, dung kan tolh maw a si thei, nun buaizet kan nei ih thilcang mi ah kan thum aw ih, a cancan cu thil tuah dingmi ro pi zet tla kan hmu thei asi. A cancan cu hlawtlinnak si maw, mi ih theihnak si maw a thleng dah lo ding tih thei in mi ih hnon mi ah kan um a si a ti.

A tawi zawng in paradox ah kan hmu aw, nuamzet in um kan duh ih, cu mi caan sungah khal hlimnak in in kal san a si.

Kan famkimlonak thawn kan buanawk

Pope Leo in hi duhthu sam cun kan famkim lo nak le kan kalsan duhnak thukzet in a lang ter a si tin a sim. Kan tulnak cu kan theithiam ih neh duhnak thinlung kan nei a si. Kan theithiam zet,  kan thinlung sungah thil pakhat cu a tulzet a si.

Asinan mi rinum pawl cu a thlamuan ih, hi duhnak cu rinlopin a cang mi a si lo. Kan famkim lo ruangih sersiam mi kan si lo, famkim dingin sersiam mi kan si sawn.

Hih kan thinlung sungih thukzet in a duh mi cu kan sinak, kan sumsaw le kan thilri nei mi pawl in a dai ter thei lo asi.

Hi thuthang cu Vatican thuthang ih kan don mi asi.