China (Tuluk ram) ih Shanghai khuapi ah Auxiliary Bishop khaisannak puai hmang. (October 15, 2025)
Thlawngkai nithum ni October 15 ah Bishop thar ih khaisan nak ngah tu Bishop Ignatius Wu Jianlin ih Bishop ih khaisannak puai tuah a si.
Pope Leo XIV in 2025 August 11 ni ah Shanghai khuapi ah a bawmtu ding Bishop dinhmun ah Rev. Ignatius Wu Jianlin kha tuanvo a rak pek. Hi mi hnatuan peknak cu Vatican le China karlak ih tuah mi a langte in lungkimnak sachuk tuahnak sungih tuanvo pek mi asi.
Bishop Wu Jianlin cu 1970 kum January 27ah a rak suak. 1991-1996 tiang Shanghai diocese sungih Sheshan ih seminary ah Philosophy le theology a rak zir.
Amah cu 1997 November 22 ah Puithiam sinak a rak ngah ih Zhongshan Parish ah bawmtu dinhmun le siangbawitlawng ah thlarau lam lamhmuhtu dinhmun in rian a rak tuan.
1999 in 2012 tiang Qiujiawan ah diocese Chansellor dinhmun in a rak tuan.2013 -2023 diocese ah Vicar General khal a rak tuan asi. Hi thuthang cu Vatican thuthang in kan ngah mi asi.
