October 15
Mithianghlim Teresa cu Discallis Carmilite kaing rak din tu a si. Kum 1515 ah Spain ram ih um Avila khuapi ah a rak suak. A nauhak lai ihsin thok in kumkhua a hmun mi thawn pehpar mi thuruah nak pawl in a nunram a rak huap ih Pathian hnenah a nunram a ap duh nak thinlung a nasa zet in a rak nei.
Mithianghlim Teresa in a kum 12 a nu a thih caan ah Bawinu a rinsan nak a rak hnget khoh deuhdeuh. Mithianghlim Teresa in a kum 12 ih a nui a thih san ah Bawinu Maria ih sintuh hmaiah feh in “A tu ihsin thok in Bawinu cu ka nu si hram seh,” tiah tap phah in a rak dil.
A kum 20 ah Avila khuapi ih Carmelite Sr. tlawng ah a rak lut. Asinain, Biaknak lam thawn pehpar mi nunram ih dai thlan nak pawl in a mang a bang ter.
Mileng tampi pawl cu lungawi aipuang ten a rak hmuak ih a dang te ih thlacamnak le Pathian thu ruah nak pawl an rak poisa tuk lo. A tinkaing mi tam sawm cu an zee tuk ih an duhduh in an um huahho men. Asinain, a mai kawh nak a ngah nak par ah huam nak thinlung thawn tha zet in a rak um thei.
Pawlpi thunei tu pawl ih lungkim lo nak karlak in 1561 ah Avila khuapi ah Discalced ah Carmilite kaing a rak ding. Kaing sungtel pawl in a fek zet mi upadi daan thawn a dai zet mi nunram cu an rak ap. An mah pawl cun farah nak le sup nak thawn nuntu khuasaknak cangter nak shoes phanat aiah hri nei mi phanat pawl lawng an rak hruk. Kumruk a rei ah Mithianghlim Hohn Khristu thawn Mithianghlim Teresa cu Discalced Carmilites Maraires kaing a rak din.
Fimthiamnak ih thuruah nak cu dinsal mi Sr. pawl hrangah um lo thei lo mi thiamnak a rak nemhnget. Mithianghlim Teresa cu thlarau lam thawn pehpar mi a thuk zet mi thuphuan pawl a duh zet ih cauk tampi ah a mawi zet mi thuzirh nak pawl a rak ngan. Kum 1528 ah a thi ih cui hnuah pawlpi in doctor buaih a rak pek.
Mithianghlim Teresa of Avila cu Yatih kaing sungih daan pawl a thar in rem tha sal tu le Pathian thu tung ding sal tu a si vekin, kan nih khal kan nuntu zia zoh sal in kan sambaunak le Bawipa hmaiih kan tlamtlin lo nak pawl in thar thawh ter sal aw tiin zaangfah bomnak dil tlang uh si.
