Video thuchah ah, Pope Leo XIV cun Catholic parish hmuahhmuah cu October ni 19  ih World Mission Sunday ah tel dingin a sawm ih cuih ni cu ziangtluk in hmual nei mi a si, leitlunhuap thuthangtha simtu pawl ih hnatha tuannak cu a hmun ringring ih Peter aiawh ih hna a tuanthok ah a mah rori in a hmu a si.

World Mission Sunday cu kum tin October thla netabik zarh pi ni hlan, zarh pi ni ah tuah a si. Tui kum cu October ni 19 ni ah “Minung pawl lakah ruahsannak Missionaries” timi thuluu hmangin tuah a si ding. Pope cun kum tin World Mission Sunday ni ah dungthluntu hnatuantu pawl ih thathnemnak le thuthangtha an simnak pawl hrangah kawhhran pi ih thlacam dingin a sawm a si.

Pope Leo cun Peter aiawh in puithiam le Bishop hna ka tuan tikah zumnak, thlacamnak le thathnemnk cu World Mission Sunday cun pawlkom hmuahhmuah a danglam thei tih ka hmu a si.

Curuangah Pope cun Catholic parish hmuahhmuah tuahding in pek a si.

 “Nan thlacamnak pawl, nan tanpinak pawl cun Gospel thuthangtha karhzai dingin a bawm ding, Pathianthu zirhnak hrang a thahnem ding, kawhhran ti thar dingin a bawm ding,kan unau pawl an mission tuannak hmun ah harhdamnak le an tul mi fimthiamnak hrang a kilkhawi ding”

Hih October ni 19 ni ah kan baptism cu minung karlak ruahsannak missionaries si dingin kan ruatkir sal pei tin Pope in thazang pek nak a nei. Kan mah le mah kan bawhsiatnak pawl cu tansan in nunthar ah si dingin Leilung cem tiang Jesuh Khrih cu kan ruahsannak,  hlimnak si ter uh si

Netabik ah Pope cun leitlun parish hmuahhmuah parah lungawithu a sim. Cun pathian hna a tuannak ah bawm dingin a sawm ih dungthluntu thluasuah a pek a si.

Hi thu thang cu Vatican thuthang ih kan don mi a si.