Um daan thiam a tul.
Nonawn pawl hrang Ruahnak peknak,
Um daan thiam a tul.
Harsatnak pawl a um ding. Remcan lonak a um ding. Tuahmawh siatsuah awknak a um thei. Riahsia ih mitthli tlak can khal a um ding. Thinlung a bang caan khal tampi a um ding. A sinan um daan na thiam a tul.
Thleng a theih lo mi dinhmun pawl hmaiton ih na ton tikah na hmai ah hril ding pahnih a um ding. Pakhat cu thinlung beidong riahsia in na um ding maw? a pahnih ih dinhmun a that lo khal ah na neih cia mi na lungput kha thlah phoih hlah.
Na thei ringring ding mi cu nuamnak le nuam lonak ti mi cu na hril mi parah a thum aw.
Thildang hnakin nangmah le nangmah kha na sunloihawk a tul. Damlo caan khalah siivai ei ding zangzel hlah. Kiangkap ih amah te ih um mi kha na sunlawi zia na theih thiam a tul.
Nangmah le nangmah na duhaw ding. Mah le mah siatsuah aw lo dingin ngaihven awk a tul. A luan cia thilcang mi pawl kha hmailam hrangah khawl hlah. Nangmai thin lo na tertu a si le na thin a nat khal le na thlah phoih thei a tul. Nangmah le nangmah manhla zet in ret taw aw. Hmailam caan hrangah ruahsannak na neih a tul. Midang pawl ih ttong pawl, kiangkap ih sawiselnak lakah sunnak pe men hlah.
Nangmah le nangmah kha na rinsan aw ding. Nangmah le nangmah na upat thiam awk a tul. Na duh mi nunram kha nangmah te in na phah suak thei a tul. A thupi lo mi pawl kha ret in can duh mi can lonak pawl, can duh mi pawl, can duh lo mi pawl karlakah nangmai dinhmun kha na zohkhen thiam a tul.
Nangmah le nangmah kha khoh zetin um aw. Fala tlangval duhnak hrangah thinlung kha rei pi na ter hlah. Nangmah hrangah nangmah na um a tul.
Nangmah le nangmah kha hnget zetin ding tum aw. Tongfang men ah thinlung ruahnak pawl kha na ter hlah. Na thinlung ih ttongfang a lo sim mi kha a ngai thiam tum aw.
Nangmah le nangmah na duhdawt awk thiam a tul. Nangmah le nangmah man hla zet in nan ret awk thiam a tul. Mah le mah din awk a tul a si.
Nang cu zianghmuahhmuah tuah thei dingah na thinlung nuamnak pawl kha kai hnget thei dingah ziangvekin harsatnak dinhmun na ton hmanah um daan ding na thiam a tul. Um thiam ding khal ah zuam a tul. Nunram ti mi cu um daan thiam ah cun nuamnak lawngte an si. um daan thiam dingah zuam aw. Um thiam dingah thinlung a thupi bik a si.
#crd
