Pope Leo in Lebanon le Türkiye ah a Tuukhal khual tlawnnak nei ding. (October 7, 2025)

Holy See Press Office ih simnak ah Pope Leo XIV in a hmaisabik a Tuukhal khualtlawnnak a nei dingih Turkiye ramah November 27-3025 tiang a si ding ih Lebanonah December 2 ni tiang a um ding tiah an sim.

Holy See Press Office ih director a si mi Matteo Bruni ih simnak ah Pope Leo cu tuikum December a thawhnak le November thlacem ah Lebanon le Turkiye ram ah a tlawng ding tiah a rak sim.

Hi tlawnnak cu Pope ih a hmaisabik ramleng a Tuukhal khual tlawnnak a si ti khal in a rak sim.

Mr. Bruni ih simnakah Pope in Turkiye le Lebanon ram hotu pawl le Biaknak lam ih hotu pawl ih sawmnak a cohlang tiah a sim.

Mr.Bruni ih simthannak ah Pope ih Turkiye khualtlawnnak ah a hmaisabik (first council of Nicaea) tuah a sinak kum 1700 kim nakkhal ah Iznik khuapi ah khawmzawhnakah a tel ding tiah asim. Lebanon ih a thlawnnak ding caanserh hman dan cu a tik cu a nai le kan suahleh sal ding tiah a sim.

Vatican thuthang ih thuthangla tu Olivier Bonnel thawn an simnak ah Beirut khuapi ih Apostolic vicar a si mi bishop Cesar Essayan in Pope Leo XIV ih Lebanon ih a Tuukhal khual tlawnnak cu ralbuainak hmun ah ruahsannak ih hminsinnak tampi a um ding tiah a sim.

Minung pawl hrangah remdaihnak, reltlangnak, bangrante ih mitin an sinak upatnak ti mi tidaan lo cu a dang ti daan a um lo ti cu kan zate hrangah remdaihnak remdaihnak zilthli a kengih thangphawk salnak tikcu caan si dingah kan ruahsan tiah a sim bet.

Bishop Essayan in Lebanon ih Christian le Musalem pawl khal Pope ih a Tuukhal khual tlawnnak an ngahhlap thu thupit in a rak sim.

Anmah pawl cu Lebanon hrangah ralbuainak ti mi ttongfang hnak in a dang ttongfang um thei dingah duhsaknak a nei mi Tuukhal pakhat, Pa pakhat hnen lawngin kan theih ding mi ttongfang pawl kan theih zang duh tiah Bishop in khahsilh in a sim thu Vatican zungin a tarlang. Hi thuthang cu Vatican thuthang in kan ngah mi a si.