Thuthangtha simtu – Saya John No Mang

Caantluang Zarhkel (27) nak, Nihnih Ni,

October 7, 2025

Lk 1:26- 38, Ps-Lk 1:46 -55 Tuini hi cu Rosary ni a si vekin Rosary cam ding, thu mal te lo ruah ka duh. Rosary Cam, kan ti tikah Rosary kan cam sia ti lam si lo’n, rosary thlacam ti khi a si ih, mah te mai thiam zawng le sal nuam zawngih Pathian dil si lo in hi Rosary sung ihsin Pathian hnen ih dil le ngen thla cam khi a si. Cucu bul pak thlacam (a) Aiawh thla cam kan hman men hnak in hmual a nei sawm ti nak khal a si.

Ziangruangah hmual a nei deuh ti len a thlacam thok nak ah Pa,Fapa, Thiangthlarau ti mi Jesuh zuk um thinglamtah in a thok ih cumiah dungthlun tu 12 tuah mi zumnak thu hrampi 12 in a thok.

Cuisin Vancung ih um kan pa ti mi Bawipa zirhmi thlacamnak a si. Cun Ave Maria thlacam a si ih. Cu thluh in Pa, Fapa, Thiangthlarau sunloih nak a si. Aw ka Bawipa Jesuh hell rampi thawn in pelh ter aw. Thu um dan ah cun hi Rosary thlacam ti mi cu a tlang pi in Bawinu Maria hmin phut cu a bang nan hi a tlun kan tar lang zo bangin Pa, Fapa, Thiangthlarau, Vancung kan pa, dungthluntu thurin 12, Jesuh hmin, a tel thluh. Curuangah Rosary hi a famkim nak le hmual a neih cuang nak a si.

Kan sal mi tong fang pawl hi vancung mi tong Lk 1:28, 41-42. Elizabethih tong mi bible kan siar khal a si. Rosary thatnak 15 le pumpek ih bomtong mi tampi a um. Cun hi Rosary ni ron hman lan nak hi a thu a rak um. AD 1571 kum Lepanto Crusade, Christian ci mit dingih ral tho cu Pope Pius V ih forh fial nak thawn Catholic zumtu pawl in Rosary thlacam in, hriam kai pawl cu an rak neh a si. Zumtu Christian unau, zumtu pakhat kan si ahcun Rosary kan nei ko ding. Tuini ah Rosary cam ih thatnak kan thei zo bang in “Rosary cam ding” hi hngilh hrim hrim lo a tul. Rosary hin Bawipa dawr thiam tlang uhsi. Amen.

Leave a Reply

Your email address will not be published. Required fields are marked *