Pope in kan zate inn a si mi leilungpi kha na ngaihven maw tiah Pathian in in sut leh ding tiah sim. (September 01, 2025)
Pope Leo cu Nikhua lam thawn pehpar mi ramtin kim Conference tuahnak ih tel tu pawl hnen thu a simnak ah Pope Francis ih kiangkap thawn pehpar mi tumtahnak a si mi Laudato si’thu kha a ruat sal ih a tik cu a kim le kan zate inn a si mi leilungpi kha na ngaihven maw tiah Pathian in in sut leh ding tin a rak sim.
Tlawmgkai nithum ni zanlaam ah Pope Francis ih capi suah mi Laudato si’ kum 10 kim hngilh lo nak ah Pope Leo XIV in Laudato si’ cangvaihnak ih hoha in tuah mi ruahsannak khaisang nak conference ih a tel tu pawl hnen thu cahnak a rak nei.
Pope Francis ih Capi rothil hrangah a lung a awi thu a langter ih cui thu cu Cazirnak tlawng pawl, Biaknak lam hmun le ram pawl, fimthiamnak thawn pehpar mi caanserh pawl le ram tin ah thurel tlangnak kha ziangtivekin thang phawk a si thu a rak sim.
Cui mi cangsuak mi pawl cu thu relnak pawl, biaknak phun kim thu rel tlangnak caanserh pawl, sumdawnnak le hnatuannak hmun pawl hlei ah biaknak lam peh par mi tiang a thlen thu a hleice in kan innpi a si mi leilungpi kha ngaihvennak ti mi ttongfang cu tumtah mi pakhat ah a cangih miphun tin, continent ah fimthiamnak lam thawn pehpar mi hnatuan pawl le mipi thawn pehpar mi thurel tlangnak ah hman a si tiah a rak ngamhnget.
Thinglungruahnak thlengnak
Kan dung kum 10 sungah tuahsuak mi pawl kha a tam ko nan Pope Leo in Laudato si’ ah tarlang ni harsatnak pawl cu tuisan ah kan dunglam kum 10 hnakin a pehpar aw tiah thupit in a rak sim.
Harsatnak pawl cu ramkhel le nunphung lawng silo in thlarau lam khal ah a si ih Pope Francis ih a rak tarlang mi vekin thinlung thlengnak kha a dil duh mi si, thinlung ih a thuh biknakah hawl in mai sungih a hrampi bik hawl tikah mai hrambun mi hnimsinnak hmuhnak hmun a si thu a sim ih thinlung miril ih thuk biknak ih feh lawngah a hman mi rualremnak ah thlengaw in a cang thei ding tiah a rak sim.
Hi thleng nak cu a nepnawi pawl khawlnak in ngaivennak ah kiangkap thawn pehpar mi reltlangnak in zumnak le Pathian kha duhdawt in thartawh nak um daan pawl ah thlengnak kha a ti duhsan mi a si tin khal in a rak sim.
Pope Francis in Mithianghlim Francis Assisi khua mi Franciss thawn pehzom in ecological concern thawn pehpar ih lungphannak, farah harsa pawl hrang thin phan saknak, nunphung lam ah thukamnak tuahnak le sunglam ih remdaihnak pawl cu thleidan a theih lo thu cui hmun ih a tel tu pawl kha ralrinnak a rak pek.
COP30 le UN’s 2026 Water Conference tel in a ralai ding mi leitlun pi thawn pehpar mi thurel tlangnak kha hngakhlap phah in leilung le farah harsa pawl, innsang pawl, hmun ram rei tu mipi pawl, rinlopi ih vaitu pawl, leitlun hmuntin ih zumtu pawl ih aunak aw kha ngai dingah hotu pawl kha Pope in a rak forhfial.
Kan sannak cu ziang mi a si ding? Anetnak ah Pope Leo in hi thusuhnak in a rak sut. Pathian ih sersiam mi hi leilung pi ah kan ni in thlaici kan cingih kan ngaihven maw? kan unau pawl kha kan ngaihsak maw? tiah Pathian in in sut leh ding. “Kan lehnak ding cu ziang a si pei” tiah Pope Leo XIV in a cemnakah a sim thu Vatican thuthang in a tarlang.
