Thinlungtha a neitu, mi pakhat ih kung zungnga hman a tum a te a bangawk lo nak leitlunpi ah a mah a dik, kei mah ka dik sawn ti mi thu thawn nung hlah aw.

Mah ih kan neih mi kutzungnga hman a tum a te an bangawk lo ahcun mah asi lo mi midang thinlung cu ziang tin kan duhdan a bangawk thei ding.

Mai thinlung thawn a nung rero tu pawl kha kan par ah that lo nak an tuah hmanah zo si tha lo ziangah a tha lo ti kha sual puh lo ding. A sual nak vekin a sual man a tuar leh ding tin taan men aw.

Nitin nunram thangso dingih a zuam rero tu tin in sual lo cu zo si um ding. Mah rori khal sual nei lo tin ruatawk lo ding. Sual nak timi a um thei vekin sualnak timi khal tuah pang theih mi asi. Mah in thei man lo ti mi lawng a um.

A sinan minung tiih kan ra suah hnuhnu cun minung lakah rang ve a tul. Sualnak mal ding ih zuam cu a tul.

Curuangah thinlungtha nei tu, minung le minung karlak ah keimah ti lungput thawn nung ding hnakin a mai lam khal zoh thiam tu, mai lam khal zoh thiam tu si dingih nung thiam sile hua tu khal mal ding, buainak, harsat nak khal a um lo ding, Cu tiih nung sile minung kan rak si nak sullam kha a famkim ter ding asi.

Thil hrekkhat pawl kha ngaidam theih a si lo khal le ngaidam nak thawn neh nak co sawn aw.

Credit: to owner with respect.