Kartin mipi thawn Vatican ih tonkhawmnak ah Pope Leo XIV cun zumtu pawl hnenah Pathian in in ngaithiam, in cawisang, zumnak in nei ternak cu a fapa hriahma kan zoh thei ih thinhengnak tello in le sunglam remdaihnak nei dingin theiternak a nei sal asi.

Khrih thawhsalnak cu kan ruahsannak ih hrampi bik a si tin Pope Leo XIV cun tlawngkai nithum ni ah a sim a si. Jesuh Khrih cu kan ruahsannak a si ti thu thawn pehpar in Pathian thu zirhnak a nei a si.

Pa Thianghlim cun kan zumnak hrampi bik le kan ruahsannak thinlung cu Khrih thawhsalnak sungah khoh zet ih um dingin theiternak a nei sal a si.

Gospel cathianghlim tha ten kan siar a sile, hi thuthuk cu minung, Pathian fapa, thihnak ihsin thosal lawng silo in hi lamzin zawh dingih thuthluknak a tuahnak in thei ter sal a si.

Jesuh ih thawhsalnak cu nehnak menmen a si lo, amaih ral pawl lehrulnak khal a si lo tin Pope cun a sim. Duhdawtnak cu a cawl theilo mi khualtlawnnak pehzawn in nehnak mangbangza hminsinnak a si.

Pope cun kan thinlung le kan tuahnak pawl cu Khrih thawn a danglam zet a si a ti.

Midang pawl in thinnanak in tuah hnu kan ti sal tikah, hmai sabik ah cun thinhengnak a si. Kan tuarnak midang parah lehrul nak kan tuah duh a si .Asinan thihnak ihsin thosal cu a si ve lo a si tin Pope cun a sim. Thihnak leitlun ihsin a suak ih lehrul nak a tuah lo a si.

Netabik ah Pope XIV cun zumtu pawl kan zaten thlah kan si ti in theih ter sal a si. Bawipa cun a hriam hma pawl ih hmuh ih remdaihnak nan hnen ah um seh tin a sim a si.

Hi thuthang cu Vatican thuthang ih kan don mi asi.