Kan leilungpi ah remdaihnak hrang nitin Rosary cam dingah Pope in sawm. (October 01, 2025)
October thla kan thlen tlang vekin hi thlaah Pope Leo XIV in Catholic zumtu pawl hnen kan leilungpi ih remdaihnak hrang nitin Rosary cam cio dingah le nitin nunram ah a rin um mi rualremsalnak ih hman rua si cio dingah a rak sawm.
Tui thla cu a thianghlim mi Rosary hnen ap mi thla a si vekin kan leilungpi ih remdaihnak hrangah nitin Rosary camnak nei dingah a rak sawm. Pope in mipi a tonnak ah ttong phun kim a hmang mi pawlkom pawl hnen a sim lai ih a rak forhfial mi a si.
Pope in leitlun pumpi ah a cang mi buainak pawl le raldonak pawl karlakah zumtu pawl hnen nan mai um daan kel runram ah remdaihnak kha khaisang ding khal ah a rak forhfial.
“Nan ni cu nan nitin nunramah a rinum mi rualremsal nak ih milai si hram uh”tiah asim ih cui hmunih a um mi Arap ttonghmangtu khawmzawhtu pawl hnen a ruahsan ih Christian pawl cu “ duhdawtnak le ngaidamnak cu hliamhma hnak in a sunglawi sawn ih a dik lo hnak in thazaang a neih thu tetti khan dingah” sawm kan si thu ralrinnak a rak pek.
Cui hleiah Pope in Portugesse ttong hmangtu pawl hnen “remdaihnak le zaangfahnak ih Pathian hnatuan pawl” si dingah a rak dil ih Frech ttong hmangtu pawl hnen khalah “ kan mai pelsolhnak pawl asilole thenhrek awknak hnakin a tum deuh mi remdaihnak le duhdawtnak ih tetti khan tu si cio ding khalah zaangfah a rak dil. Hi mi cu Vatican thuthang in kan remcang ding zawng ih kan leh mi a si.
