Harhdam ih kut ke kim in le thluak tha mi naute suak dingin naupai tu nu pawl ih an ruahsan bik mi a si.
Mah le mah tla naupai lai ah thluaktha mi naute suak dingin tuah ding hmuahhmuah nu ka si vekin ka thei mi hmuahhmuah ka lo hlawm duh a si.
- Ei in ah bangran ten ei ding
Vitamin a kim mi ei le in pawl hril ih ei nak in naute thluak lam than so nak a bawm a si.
Ralring ten ei tul mi pawl
Nga (omega 3 a tel in zarhkhat ah vei hnih ei a tul a si)
A hring mi a hnah pawl ( folic acid tampi a tel asi)
Arti (Protein le Amino acid a tel asi)
Almond (healthy-fats a si ih magnesium, Vitamin E, protein pawl a tel asi)
Ding chin (probiotic a si ih calcium, iodine a tel asi)
Cheese (Vitamin D a tel a si)
Mai mu (Zinc a tel asi)
Pe a phunphun ( Iron le protein a tel a si)
- Nau pai lai ah exercise tuah ding
Nu in nau a pai lai ah exercise tuah nak in Endorphins ti mi ruangpum ihsin a suak a si.
Cu mi cun pumsung ih um mi naute ih thluak lam thansonak hrang a bawm a si.
Zarhkhat ah vei thum hrawng vei khat exercise tuah ah minute 20 hrawng tuah le a tawk ko asi.
- Thinharnak pawl a cang theitawk in hrial ding.
Thin harnak a tam tuk a si le nu le pum sung um mi naute hrang a tha lo asi.
Zingzawitu pawl in nau pai lai ah thinharnak a tam tuk a si le naute ih thluak lam than so nak a siat suah ter rungah nu pawl in thin harnak cu an hrial tul a si.
Thin da item um in Pathian thu ruatnak le thlacamnak thawn kan nung a si le a tha hnem zet a si.
- Pum sung um mi naute kha kan biak theu ding
Hi kan tuahnak cun naupai lai caan thin nuamnak a si.
A thawk ahcun a rem cang lo nan kan biak ringring a si le neta lam ah cun a daan vekin kan ruat ih pum sungta naute cu kan riahsia caan, kan lungawi caan ah kan rualpi ah a cang ding asi.
Hi tivek in kan biaknak in naute cun a nu aw a thei a si.
Cule tong zirnak thiamnak a thanglian ter a si.
Naute a suak tikah nu pum sung um lai ih biak ringring mi nauhak cu tong an thiam awl a si.
- Hla kan ngai ter ding.
On mawi cun thluak lam than liannak a bawm asi.
Piano aw, nursery hla pawl hla tuk lo ah ret ih ngai ternak in nauhak ih thluak a that er ih Neuron cell pawl tla a cang ter a si.
Nau cu pum sung a um lai ih a theimi hla pawl cu a suak hnu thlali tiang a cing a si.
- Kuak le zu in lo ding
Hi mi cu nan thei zo ko ding
Kuak le zu sungin tel mi chemical cun naute cu syndrome a cang ter ih tih a nung zet asi.
Naute thluak a siat ter ruangah kan hrial tengteng a tul a si.
A har mi a um lo ih a awl mi a si ko.
Thathnem nak a um ding tin ruahsannak ka nei asi.
Nu pawl harhdam ih thluak tha mi naute nei dingin duhsaknak thawn thla ka cam a si.
credit to owner with respect
