Philippines ram Cebu Archbishop in 6.9 Magnitude Ling a hnin ruangah hmunkhat ten tangtlang dingah forhfial. (October 01, 2025)
Tlawngkai nihnih ni zanlam tlai hnuah Cecu thlanglam ah 6.9 Linghninnak ruangih nunnak cemtu pawl ih sung khat pawl hnen kan dung naite ih Cebu ih Archbishop thar sinak ngahtu Bishop Alberto Uy in a riahsiat thu a langter.
Bishop in harsat tonnakah run aw tlang dingah le thlacam sak ding khal ah mipi hnen a rak sawm. Harsatnak kan ton caan ah kan zaten thlacamnak le khat le khat bawmawk nak ah lungrual tlang uh si tiah Bishop in a sim bet.
Mizan 9:59 pm ah Ling a hnin ih Bogo khuapi Nisuahnak saklam kilometers 21 hlatnak ah a hnin ih a malbik minung 60 nunnak a cem thu National Disaster Risk Reduction Pawlkom le Management Council in theih ternak an nei.
Linghninnak ruangah Biakinn hrek khat pawl an siat ih inn pawl a hnget maw hnget lo ti mi zoh fel hmaisa in um hrih lo dingah Cebu Archdiocese zung in thusuahnak an nei. Biakinn le Puithiam pawl umnak inn zaten check fel dingah Diocese in thu suahnak khal an rak nei a si. hi thuthang cu CBCP news in a tawi zawngin kan ngan mi a si.
