Pope Leo XIV nak in St. John Henry Newman cu Doctor of the Church sinak pe ding. (September 29, 2025)

Zarhpi sun St.Peter tualrawn ih tuah mi Jubilee of Catechists puai ni ( Pathian thusimtu pawl ih Jubilee Puai ni) ah Pope in  Missa raithawinak hoha in a tuah theh hnuah 2025 November 1 ni Mithianghlim pawl puai ni ah St. John Henry Newman cu Doctor of the Church sinak khaisannak tuah dingah a rak than.

Hi mi sunloih lomnak ah Newman cu doctor of the Church ngahtu lakah 38 nakah khaisan a si dingih Catholic Biaknak ih ruahdaan le thlarau lam ah a tak in a langsar ter ih fimthiamnak khalah thiam hleice mi pawl lakah telh a si ding. Catholic Pawlpi ah St. John Henry Newman kha a hleice ih an upat nak cu doctrine kha nuam teten khaisangin thukzet in ruat in a rak langsar ter thei nak le zumtu pawl ih nunram ah Pawlpi le nun ding daan bawhcatnak ah a thupit zia a rak lang ter.

Kum zabi 19, England ram Anglican Puithiam pakhat a rak si dah ih St. John Henry Newman cu 1845 kumah Blessed Dominic Barberi ih hohanak hnuaiah Catholic Biaknak cohlangin a rak pomtu a si.

Neta kum hnih a reihnuah Newman cu Catholic Puithiam dinhmunah khaisan nak a ngah ih England ah St. Philip Neri ti mi pawlkom a rak din ih 1879 ah Pope Leo XIII in Cardinal sinak a rak pek.

Hi mi thuthang cu SW news in kan don mi a si.