Pope Leo XIV nak in nunphung le biaknak tinkim pawlkom thurel tlangnak thawn pehpar mi hnatuan tu cohlang in tong.
RVAFalamservice 30, 2025
Pope Leo cu kan dung tlawngkai ni khat ni Vatican ah Europe Paliman ih tuah mi “nunphung le Biaknak phunkim pawlkom thurel tlangnak thawn pehpar in hnatuantu pawlkom pawl a tonnak ah hi tin a rak sim.
Pope in hi mi caanserh hrangah a lungawi thu a sim ih a rahsuak khal tampi a um ding tiah ruahsannak a neih thu a rak sim.
Nunphung karlakah Biaknak lam thureltlangnak khaisannak cu Khristian ramkhel lamih hnatuantu pawl hrangah a thupi bikih tumtahnak a si ih Pathian ih zaangfahnak ruangah hi thuthawn pehpar in a tha mi tetti khan nak pawl tampi khal a rak um dah thu,
Pathian thuthangtha le Pathian thuthangtha ih manhlat zia kha thukzet ih hramlaknak, ttong ih kan pehtlaihawknak cu Pathian thuthangtha ihsin a hung suak mi man pawl ah thukzet ih hrambunnak kha a duhsan ih, cui hleiah a bangaw lo mi dunglam thuanthu thawn a ra tu pawl le tlaitluangnak, thu ngainak le thu ruah awknak kha tuah tlangih finkhawmnak khal a duh san tiah thupit in a rak sim.
Cu mi cu “ minung ih sinak, kan pehtlaihawknak le minung pawlkom ih si nak kha a laifannak ah ret dingah a tul thu a sim ih Biaknak phunkim thurel tlangnak ih tel nak cu si daan kel vekin Biaknak cu bulpal dinhmun le nunphung pawl kom zate ah man a nei thu ngamhngetnak a si ih “Biaknak’’ ti mi ttongfang in minung pawl ih a thawhnak a then pakhat ah pehtlaihawknak kha a sawhkhih ti mi kha a mang ter thu, Curuangah thutak ih thaten kan kilveng a sile biaknak lam ih zohnak cu bulpak karlak ih pehthlaihnak kha tampi a khaisang thei ih nunphung pawlkom le minung pawlkom ah thlauthla lo ih umtheinak a bom thei thu, minung karlak ih pehtlaihnak ih man kha a thupit zia tuisan ah thupit in langter dingah ziangtlukin a thupit thu langsar in a rak sim.
Pope Leo in minung zate karlak ih thurelnak le upatnak kha khaisang dingah an maih tuah mi hnatuan nak pawl hrangah a lung a awi thu, a cemnak ah a rak sim ih an mah le an hnatuannak parah Pathian ih thlasuah khal a rak pe a si.
