Catechist pawl Jubilee Misa raithawinak ah Pope Leo XIV cun midang pawl zumnak thawn kaihruai in in hawl tu pawl cu a lawm ih Khristian pawl cu pakhat le pakhat zumaw ding, ruahsannak le duhdawtnak ah bawm aw dingin a sawm a si.
Pope Leo XIV cun Zarhpi ni St.Peter tualrawn ah Catechist pawl Jubilee Misa raithawinak a tuah asi.
Pope cun a thusimnak ah tu ni kan siar mi Gospel cathinghlim (Lk 16:19-31) sungih milian pa le Lazarus thuanthu a sim a si. Hi Gospel cathianghlim cu kum 2016 zangfahnak kum ih kan siar mi thawn a bangawk asi tin a sim.
Hi Gospel cathianghlim sungah Jesuh cun Pathian in hi leitlun zing ti vekin a hmu, mi pakhat a hma pawl uico pawl in liak rero lai ah a dang pakhat cu hnipuan tha thawn lehlam ah a um a si.
Milian pawl ih ziang siar lo ruangah Lazarus vek mi tampi an thi a si. Gospel cathianghlim in Pathian cun mi pahnih te cu dik zet in thu a then sak, mi farah pa ih a tuarnak le milian pa ih a nunnuam nak cu a cem ter a si.
Milian pa cu a thih tikah, Lazarus cu Abraham tang sungah a hmu ih a maih tuarnak cu a unau pawl ralrin pek dingin Pathian hnenah zangfah a dil a si. Jesuh cun a nung lai mi pawl cu Moses le profet pawl in ralrin an pek a si tin a sim.
Prophet pawl le Moses thungainak cun Pathian ih thupek le a thukam mi in theiter sal a si tin Pope cun a sim a si. Gospel cathianghlim in Khrih thihnak ihsin thawhsalnak cun mi pakhat ciar nunram a thleng danglam ter a si.
Jesuh thawhsalnak cu a dik le kan mah in runnak cu pawlpi le Pathian thu simtu pawl thawn kan thangthat a tul a si.
A dikmi duhdawtnak zir in, Gospel cu kan thinglung thleng danglam ter a si ti kan thei thiam ding le Pathian le kan kiangkap hrang kan thinlung ong dingin Pope cun a sim asi.
Pope cun “catechist” timi tongfang cu Greek tongfang a si ih a sullam cu “ring pin zirh ding, zirh sal ringring” ti nak a si tin a sim
Catechist cu an nunram in Pathiang an thang that a si. An mah cu kan nu le pa le kawhhran ih hotu an si.
Kan zaten a hla ih zumtu pawl in zum dingin in rakzirh a si. Nauhak , mino, kum upa tiang catechist pawl cun kan zumnak ah in kaihruai in in zirh a si.
Catechist pawl le zohthim dingih in zirh tu hmuahhmuah thawn thungainak le tuannak in kawhhran hnatuan kan tuan tlang pei tin Pope cun a sim a si.
A netabik ah Pope Leo XIV cun catechist pawl cu midang zumnak an kaihruainak ah zumnak thanglian dingin a sawm a si.
Hi thuthang cu vatican thuthang in kan don mi a si.
