Einstein cun blackboard parah hitin a rak ngan.

9­­­­­­­­­­­­­­­­­­­­­­­ x ­­­­­­1=09

9 x 2=18

9 x 3=27

9 x 4=36

9 x 5=45

9 x 6=54

9 x 7=63

9 x 8=72

9 x 9=81

9 x 10=91

Cu mi cu tlawngta pawl in an hnih san. A mah vek mipakhat in Math ah a ngan sual. 9 le 10 muat cu 90 a si ding a sinan Einstein cun 91 tin a ngan.

Einstein khalin a hnitu nauhak pawl an cawlh tiang a hngakih cutheh in a tong. Ca tluan 10 ka ngan. A hmailam tluan 9 cu ka hman nan zohmanin in sunlawih lo. Asinan tluankhat te ka sual mi ruangah in hnihsan. Cu mi cu ziang a ti duhsan tile minung pawl cu kan mah ih thuhman le cah nak kha hmuh ding aiin cah lonak le sualnak hrang lawngkha hrilin an hmuh thiam ruangah a si.

Hi thilcang ihsin zir nak tam zet in pe. Kan mah minung pawl cu sualnak thawn kan khat. Pakhat te sualnak ruangah mipakhat kha tlu ter pang hlah. Pakhatkhat sual kan tuah veten in ngaithiam ih in rem sak ding ai in, sualnak lawng hmuin thlahphoih ih tan ding lamlawngkha a tam sawn cun an hril theu. Leitlun ih kan um sungah na cah lo nak pakhat te hrang ruangah mihrekkhat cun simrel hnihsuah sai nak kan tuar a si le hi ca hi man sal aw.

Kumkhat hnu kumkhat kum a upat vivo tikah thinlung sungah puitlin sinsin a tul. Leilungpi thuhla, minung pawl thuhla thawn mai thuhla khal theih sinsin le minung pawl thawn bang aw lo dingin um tlan ding a si.

Leilungpi ah mai thanliannak hmunram, mai nungkhuasaknak kiangkap thawn thlennak dinhmun a bangawk lo tikah hmuhnak, pom dan le co dan ti mi ziangtik hmanah a bang aw thei lo.

Curuangah na sual, a sual, a tha, ka tha, zo a hman, zo a sual ti el awk rero aiin mah in a hman a si ti ruah mi thil pawl dung kha thlun aw.

Minung pawl kha na ti thei tawk in duhdawt aw. Na ti thei tawk tuar in ngaithiam aw. Zo zo a sual khal le na ti theitawk in el rero hlah. Veikhat veihnih mai lam ih tuar ruangah remdaih nak a ngah ti mi duhham ih buai nak pawl tampi a um lai ding.

Credit.