Pope in October 1 ah Laudato Si’ cangvaihnak conference ah thusimnak nei ding.
Pope Francis ih Care for our Common Home (kan inn pi a si mi Leilungpi kilhim ding) ti mi capi suahnak kum 10 kim ni ah Pope Leo XIV cu “Raising Hope for Climate Justice” ti mi International thurel tlangnak ah a tel ding a si. Hi mi caanserh ah leitlun hmun tin ih Biaknak lam hotu 400 luan, nikhua tahnak lam ih thiamnak neitu pawl le Pawlkom pawl, Pawlkom le Acozah dinhmun ih aiawh tu pawl an tel ding tiah theih a si.
Castel Gandolfo khua ah Focolare cangvaihnak kilkhawitu a si mi “Centro Mariapoli” Raising Hope for Climate Justice” tin hmin ngah mi International conference cu Laudato si’ cangvaihnak in biaknak lam le a cozah pawlkom pawl tampi kom in tuah dingah a tawlrel a si.
Hi mi conference cu October 1 ni Tlawngkai nithum ni ah thawh a si dingih Pope Francis ih “kan innpi kilhim nak” Laudato si’ encyclical capi a suahnak kum 10 ni hngilh lonak caanserh khal a si ding tiah theih a si.
Tlawngkai nithum ni sunhnu ah Pope Leo XIV nak cu “Celebration of hope” hoha in a tuah ding a si.
Thuthang an suahnak ah hi mi conference cu October ni 3 tiang pehbet in tuah a si dingih leitlun killi ih biaknak la hotu pawl, nikhua lam ih thiamnak neitu pawl le a cozah lam ih aiawhtu pawl an tongkhaw aw ding asi. Hi mi conference cu Pawlpi ih zirh nak ah a tel mi a sivekin kiangkap a cang mi kiangkap kilhimnak thawn peh par mi thlengawknak ti khal in ti thei a si.
Hi mi caanserh ah hmuhton mi pawl ruahawk ding tla a tel dingih cui hlei ah Brazil ram ih nikhua thlengawknak le kiangkap kilhimnak ih Minister Mariana Silva le California Governor Arnold Schwarzenegger pawl ih an that hnempi pawl thawn pehpar mi hmuhtonnak khal an sim ding tiah theih a si.
Pope Leo XIV nak ih thusim theh hnuah an tuah mi ih a san hminsinnak aiawhnak le thlarau lam ih apawknak caanserh pakhat a hman asi ding ih cui hnuah Pope Leo XIV in conference ih a teltu pawlkom pawl thawn tonnak a nei ding tiah theih a si. Neta lamah hnatuan nak reltlangnak pawl, nikhua thlengawk nak pawl pehbet in tuah a si ding thu khal an khawkhannak ah tel tiah an sim.
Hi mi thuthang cu Vatican thuthang in kan ngan mi a si. Kan thuthang a rak siartu zate parah Pathian thlasuahnak um hram seh.
