Tlawngkai nithum ni mipi thawn tonkhawmnak ah Pope cun Jesuh cu hi leilung ah thlah a si ih thinglamtah ah khengbet in le a thawhsalnak cun Pathian in kan mah pawl in duhdawtnak a langternak a si.

Jesuh cun kan hrang thi lawng siloin thimnak thlen thei nak hmun, tleu thiltih theinak lawng thlengtheinak hmun ah rung tum in, kan hlonak in in hawl asi.

Pope cun hi leitlun cu nunnak cemralnak hmun le natnak, harsatnak hmun Pathian thawn  thenawknak hmun tin a sim fiang a si.

Jesuh cu hi leitlun ah rung tum in kan inn sungsang ciar ih thihnak ihsin in luat ter ih, kan mah pakhat ciar khal in kai hruai a si.

Pope cun Paschal thuchah ah cahnak hmuahhmuah a um a ti ih thihnak cu a netabik a si lo tin a sim a si.

Pope cun Khrih a rung tumnak cu a hlan ah lawng siloin a tu caan thawn khal in a pehzawm a si. Nitin harsatnak, ningzahnak le kan nunram hrang kan zuam rero mi pawl cu Pathian duhdawtnak thawn kan tuah a tul tin a sim.

Pathian in milai cu thimnak sung ihsin inhruai suak ih tleunak sungah in hruai a si. A thuneinak zate thawn, a cemthei lo mi a zangfah thawn, fa in reipi a duhdawt lo mi pa vekin in hruai a si.

Pope cu Thianghlim Zarhteni cu vancung ram in leitlun a run tlawng ni a si tin a sim. Hi leitlun a run tumnak cun ziangkim a maih rundamnak sungah tel lo an um lo ti a langter a si. A maih zangfahnak in ti thei lo mi ziang hman a um lo a si.

Pope cun a neta bikah Khrih in sersiammi mi hmuahhmuah cu Pathin ih timtuah cia mi rundamnak sungah lut dingin in pawm a si.

Hi thuthang cu Vatican thuthang ih kan don mi a si.