Mi pakhatkhat in a lo tan a si le na riahsia hlah.

Mipakhatkhat a um lo a si le nung a theih lo tin ruat hlah.

Hi leitlun ah zo par hmanah na thinlung re hlah, zo par hmanah luan tuk in va rinsan hlah.

Mai thlam hman a thim a si le mai hnenihsi an suah a si le zo hman na kiangah an um ringring lo ding vekin zokhalin nangmah thawn kumkhua an um lo ding. Curuangah tuaini ihsi thokin mai kiangih in nuam ter lo tu thil pawl, in nat ter tu thil pawl, in bang ter tu thil khal kha na ti thei tawk in hlapi in kian aw.

Caan tam sawn in mah le mah kha duh awaw. Mah le mah khal ngaihsak awaw. Hrekkhat thil pawl, hrekkhat sual nak pawl kha ziangtik hmanah thinlung sungah thuktuk in ret hlah. Hrekkhat thilpawl hrangah thinhar hlah. Suahsan aw, thlahphoih aw ziangruangahtile nungram ah hrekkhat mi pawl cu na um lo lawngah na man kha an thei ih hrekkhat thil pawl cu na hngilh lawngah, na thlahphoih lawngah lungawi hnangam nak ti mi na ngah thei ding a si.