Zarhpini sun caan ih Angelus thlacamnak ah, Pope Leo XIV cun a dik lo mi sum kiltu siahhlawh tahthimnak thu ruat in, zumtu pawl Pathian hnen ihsin kan ngah mi thlasuah pawl ziang tin vekin kan hmang ti mah leh mah sut aw dingin sawmnak a nei a si.

A dik lo mi sum kil tu siahhlawh tahthim thu ruat sal in, Pope cun hi tahthim thu in “Kan mah pawl cu kan nunram asilole kan nuamnak thilri pawl ah thu neitu kan si lo” tin in sim. Kan nei mi thil hmuahhmuah cu kan kil kawi dingih zalennak, mawhphurhnak rim ngam zetin in pek tu Pathian hnen in kan ngah mi a si.

Jesuh ih tahthimnak thu ni nikhak ah “kan mah le mah, Kan thil nei mi pawl, le leilung ih suak mi pawl” parah ziang tivekin kan kilkhawl ti in thei ter sal a si.

Pope in mi diklo sum kiltu siahhlawh tahthim thu cun a caan a kim hlan le a hnatuan ban a si hlan ah cun amaih hlawknak lawng a tuah ti kan hmu thei a si.

A maih hmailam hrang himnak ziang tivekin ka ngah ding ti a ruat tikah, Pope cun a mah cu thil ri khawlkhawm ih a liannak cu a thupi zet mi a si lo, “leitlun liannak  pawl cun an liam san a si” ti a thei fiang a si tin a sim.

A mai luatnak ding hrang a tuah mi cu leiba nei pawl ngaithiam ding le a mah bawm tuding rualpi neih hi a si.

Pope cun Jesuh in thupi zet ih in forhfial duh mi cu liannak pawl thawn rualpi tuah aw la cu cun kumkhua inn ah an lo hmuak ding a si.

Mi dik lo siahhlawh cun amaih hrang hlawknak tansan in ruawl pi a hawl a si. Pope cun Khristian pawl teh leitlun thilri pawl le kan nunram hmang in a dik mi liannak thawn, Bawipa le kan unau pawl thawn rualpi ziang ti vekin kan tuah ti thu sutnak a nei.

A netnak ah, Pope Leo in a diklo mi sum kiltu siahhlawh cun kan don mi thiri pawl ziang ti vekin kan tuah ti mah le mah sut awk dingin in sawm a si. Maih hrang lawng ruat, maih bulpak hrang thatnak lawng lamzin ah kan thlun maw? Asilole kan ngah mi hmuhhmuah cu Pathian hnen ih sin kan ngah mi a si ih cu cu hmang in a dik le a fel sawm mi leitlun tuah dingah tin nan ruat maw?

Pope cun Fala Thiang Mary hnen ah thla kancam pei ih a maih in dil saknak in Pathian in kan mah in rin vekin diknak le mawhphurhnak hlentu  rintlakmi siahhlawh kan si ding a si.

Hi thuthang cu Vatican thuthang in kan do mi a si.