KaiKuang in thluak an nei lo. A sinan nunnuam ten um thiam dingin an mah ten an hawl thei.

Thluak a nei mi minung in hmuntinah midang rinsan in kan um si le KaiKuang hman hmaisong a um asi.

Nunram a siatral tu mino pawl khi zoh hnik uh, hmai nor thei nawn lo ih beidongtu tampi an um. Leitlun harsatnak pawl tong ruangih a sungpek tu tampi an um.

Voikhat sung ruangih kumkhua sung tin ruat le cu thangsonak ding caantha a hlo ding asi.

Thla a zap lo mi dumde a tleunak suah ding a har vekin zuamnak le tumram a nei lo mi mino khal thangso ding a har asi.

Mino pakhat ih a si nak bik cu a ruahsan mi le a tumtah mi asi. Nunram ah zoh a theih mi sunmang cu mino tin an nei theh asi.

A thiamzettu mino timi cu mai nunram kha a khaisang thei vekin midang nunram khal khaisang ter theinak thazang a nei asi.

Zangfah thiamtu mino timi cu puarthau nak thinlung a mal vekin  midang ih thinharnak pawl khal a theihthiam sak asi.

Taksa ngo, ngo lo, mawi, mawi lo ti mi cu mino pawl ih manhlat nak asi lo. Ziangtluk in thil tuah theinak a nei, nei lo tile ziangtluk in thil  a tuah thei, a tuah thei lo ti mi sawn kha mino pawl ih manhlat nak asi.

Credit: Saya Aungtin