Thinhen sile minutes 10 hrawng tuar thei dingin zuam aw. Midang kha thlengaw dingin ziangtik hmanah zuam hlah. Nikhatah minutes 30 tal harhdamnak ding tuah aw. Midang pawl in an lo duh lo ruangah mah le mah mawhthluk awk hlah. Paisa thawn thencat thei mi thil kha duhdawtnak le ngaisak awknak thawn then hlah aw.

 Tongmal sile buainak khal a mal. Minung panga hnak ih a tam mi zuuin khawmnak kha a cang thei tawk in hrial aw. Mah kha thiamnak neih lo ahcun zo vek ih an theih khal le that hnemnak a nei lo. Thathnem nak a um mi sumdawnnak a um hlan cu tong kha ralring aw.

 Thu-el duhnak thinlung kha sup in lawm thiam ding le kaa cip thei dingin zir aw. Minung pawlkom awknak ah zo thawn khal in naih awk tuk hlah buainak a um thei. Midang ih thawng ziangtluk a tum khal le mai kut ih a um mi thawng te kha a tha sawn.

 Puitling ti mi cu mai duh lo mi thil pom thiam le lungawi ti sim thiam ding kha asi.

Credit : To owner with respect.