Tlawngkai nithum ni mipi tonkhawmnak ah Pope Leo XIV cun “ An khua sung um  a cang thei nawn lo dinhmun le lo theih lo ih suahsan a tul thu ah, ka thinlung tak in Gaza um mi Palestinian mipi pawl ka tuarpi zet” tin a sim.

Israeli ralkap pawl cun Gaza khuapi mipi chen tam zetnak hmun ah doawknak nasa zet an tuah ding ruangah mipi pawl cu khua ih sin tlan suak dingin thu an suah a si. Mipi pawl cu kum hnih hrawng ral ruangah harsat an tuar zo a si. Hamas pawl cun mipi 350,000 cu khuapi hmailam raltlannak hmunpi ah an tlan zo tin an sim. Midang 170,000  cun khuapi a suahsan zo a si.

Ziangkim tithei Pathian in thukham in pek mi “ Mi va that hlah” timi cu tulai caan minung zaten hrang asi tin a sim ih “ Minung hmuahhmuah cu minung sinak upat ding le kilhim ding a si” tin a sim.

Pope cun “ doawknak cawl ding, kaihhren mi pawl thla zalen ding, remnak tuah  a si thei nak ding le leitluanhuap minung humhimnak daan thlun dingin” dilnak a nei sal a si.

Netabikah, Pope Leo cun, “mi hmuahhmuah” cu “remdaihnak le zalennak  zamrang ten a um theinak ding hrang thinlung tak ih thlacam dingin” sawmnak a nei a si.

Hi thuthang cu Vatican thuthang ih kan don mi a si.