Tanzania ram Mwanza ih zan 11:00pm September 15, 2025 ah Sister pali le a maungtu cu motorpi pakhat thawn an pahawk ruangah Dar es Salaam feh dingih Mwanza Aiport ih an feh lai ah a rak cang mi asi.

Accident ih nunnak cemtu pawl cu Sr.Lilian Kaponga ( Superior General of the Carmelite missionary of sister of St.Therese of the Child Jesus(MCST), Sr. Nerina Secretary General of the Congregation; Sr. Damaris Matheka; Sr. Stellamaris le an mai driver ( Motor maungtu) an si. Sister pawl cu zarhte sun ah lungawi ten anmai pawlkom sungih perprtual profession a latu Sister pathum caanserh hrangah diocese ih an fehnak a si. Zarhpi zing khal ah Kahama ih Bishop residence lam khal ah an leng ih thlahnak tla an tuahta tiah an sim.

Cu mi Motor cangsualnak ah Sister pakhat cu hliamhma nasa zetin a ngah ih a tu Mwanza khuapi ih Siizung Bugando ah tuamhlawm rero a si tiah an sim.

Bishop Ruwaichi in nunnak cemtu pawl ih thlarau hrangah le siizungih tuamhlawm rero lai mi Sister pakhat hrangah lungrual ten thlacam sak dingah zumtu pawl hnen a rak sawm.

Carmelite Missionary Sisters of St. Theresa of the Child Jesus pawl cu pastoral ministry, fimthiamnak le missionary lam ah tha pe in mifarah harsa pawl hnen lungtho ten rian a tuan tu pawl an si.

Hi tivekih rinlo pin an nunnak a cemnak cu Pawlkom (Congregation) sung lawng silo in diocese sung khal ah riahsiatnak tampi a um tiah a sim.

Vuinak caanserh cu Congregation (an mai pawlkom) in an mai remcan caan ah theih ternak an nei leh ding tiah an sim.