Pope Leo XIV cun ral ruangih siahsuah mi hmun pawl remdaihnak an ngah thei nak ding  hrang mi hmuahhmuah thlacam dingin a sawm sal ih, nauhak pawl kilkhawi ding le kilhim ding khal a dil sal a si.

Tlawngkai nithum ni mipi thawn tawnkhawmnak ah mipi pawl a cibai ih, Pope Leo XIV cun thlacamnak le minung zawnruahnak, bawmnak pawl cu ral ruangih harsat a tuartu nauhak pawl bawm dingah a dil asi.

“Nan thlacamnak ah le minung zawnruahnak, bawmnak cu Ukraine ram, Gaza ram ih nauhak pawl le leitlun ral ruangih tuarnak hmun pawl nan cing ringring pei” tin a sim

“Tusun ni ih harsat tuartu nauhak pawl Bawinu Maria ih kilhim nak, remdaihnak ih siangpahrang Bawinu hnenah ka ap” tin a sim bet a si.

Pope Leo cun Middle East buainak ruangih harsat a tuartu mi hmuahhmuah hrang thla a cam sak a si. Cun zumtu pawl Arabic tongin cibai a buk a si.

“A tu caan ih nan ttahnak cu Pathian hnenah rinsan zet ih thlacamnak ah cangter dingin ka lo sawm, ziangruagah tile Pathian cun ziangtiklai caan khal ah a fale pawl ih thlacamnak cu kan anhai bik caan ah in cohlan sak a si” tin a sim. “Bawipa in lo thluasuah in thatlonak hmuahhmun lakin lo kilveng hram seh”

Hi thuthang cu Vatican thuthang ihsin kan don mi a si.