U le nau ti mi cu leilungpi ih inpek mi a hngetkhot bik mi duhdawtnak hri pakhat a si.

Veikhat veihnih nu le pa pawl par ah sual caan a um. Veikhat veihnih thusim ngaicaan khal a um.

Upa cu pa dinhmun, U nu cu nu dinhmun ti vekin hmuk ei a si le ka nau, ka nau nu hrangah tin an ret sak theu.

Nau le pawl khal in an upa, an unu pawl kha an rinsan theu. Buai nak pakhat khat an tong a si khal le an run aw tawn ih ka upa ka unu an ti aw.

Veikhat veihnih nauta sawn in a hoha caan khal a um. Asinan an upa, an unu cu an hngilh lo.

Veikhat veihnih an to aw ding. Then in an duh aw ding.

Upa pawl khal in nau ta sawn pawl kha lam an hmuh vekin nauta sawn khal in nunsim ding a um asile an sim aw.

Mah cu ziangvek a si khal le mai u pa, u nu hmai ah cun naute vek an si.

Veikhat veihnih nau le hrangah u le in dunglam ihsin an sunloih theu. 

Nu le pa pawl an um nawn lo hnu ah an mah harsat tuar in neisun te thawn in bawm nak cu u le nau ti mi duhdawtnak hri ruangah a si.

Mah le mah kha sut aw sal aw. Ka pa, ka nu thehin zo na duh bik. Na hmurka ih na sim lo hman ah na thinlung in na theih lo ten na duh ding.

Ziangruangah ti le leilungpi ih an suak ihsin duhdawtnak ti mi hri khat te kha an kaih ruangah a si.

Crd;