Vatican a tlun lam Castel Gandolfo a suahsan lai ah Pope Leo XIV cun Doha bomb thlaknak thawn pekper in Journalist pawl ih thusuatnak pawl tawite in a let “ cuih hmun ah thil pawl ziang a cang ti kan thei lo. Remdaihnak hrang pehzawm ih tuan in thla kan cam a tul.” tin a sim. Gaza khuapi um pawl dawi suaknak thu pek le Parish Puithiam pehtlaih a tum thuhla ah Pope cun “thuhla ka thei lo”tin a sim.

Israel in Qatar ih Doha bomb thlaknak thuhla suatnak ah Pope Leo XIV cun Israel in Hamas hotu hrekhat umnak hmun bat in nasa sinsin ih bomb thlaknak cu “tih nungza thuthang” tin a sim. Hi donak cun khuapi sung umnak inn tampi a siatsuah a si.

Minung  tampi in an rak hmuak ih Kawtka ah reilo te cawl in, Pope cun Middle East dinhmun cu “tihnung zet dinhmun” tin a sim. “ Cuih hmun ah thil pawl ziang a cang ti kan thei lo. Zing tik khal ah tih a nung. Remdaihnak hrang tan la in thacamnak thawn kan tuan a tul” tin a sim.

Israel pawl in ral buai sinsin ruangah rin lawk lo in Gaza khuapi um mipi pawl dawisuak nak thu suah an tuah. Pope cun Holy Family Churh ih Puithiam Father Gabreil Romanelli pehtlaih a tum nan tin a sim “tu ah Parish Puithiam cu ko ka zuam nam thuhla ka thei lo” tin a sim. “ Hi thusuah hlan ah an tha ko nan, tu cu ka thei lo” a ti.

Hi thuthang cu Vatican thuthang in kan don mi a si.