Minung ti mi cu theihthiam awknak neih ding a tul vekin theihthiamnak khal bum awk a tha lo.
Minung timi cu thinsau ding a tul vekin a thinsau tu par khal that lo nak tuah lo a tul.
Minung timi cu duhdawtnak neihding atul vekin duhdawtnak a nei tu khal nehsawh lo ding.
Minung timi cu ngaithiamnak neih a tul vekin ngeithiam theitu khal kha sual puh rero a tha lo.
Kilhim tul mi daan pawl
- Ziangtluk ih nelaw mi si khal le tong kha duhduh ih tong lo ding. Tuartheinak thinlung timi cu mitin hnen ah a um.
- Ziangtluk ih huat mi sikhal le midang ih an sinak kha hmuhsuam in, zawmtai lo ding. Upat awknak timi cu mitin ih cotlak asi vekin mah thawn khal a thlak ve asi.
- Ziangtluk mitha, mi tlaitluang thawn tonawk khal le caantha va lak hlah. Mah le mah kha kilhimawk thiam ding. Caantha lawnglawng duh tu cu mitin in an hua asi.
- Ziangtluk a lak ih kan ngah khal le kan ngah tlak dan ih zinzir in thuthen thiam aw. Sinak tha timi khal neih a tul.
- Ziangvek harsatnak ton khal le mai thazang thawn tuah thei in thu thencat a tul. Bawmnak kha olsam zet ih ngah duhtu si hlah aw.
- Ziangtluk mi felfai ton khal le mai hlawknak ding hrang menah hmang hlah aw. Felfai nak timi cu thiam nak pakhat asi ih midang hrangih um mi a si lo.
- Ziangvek mi cak na si khal le midang nehsawh tu si hlah aw. Tuisun ih mi cak bik kha nehhnu ah thazang cah nak a hlo thei asi. Nunram timi cu a her aw rero asi.
- Ziangtluk ih ruahnak bangawk lo khal le mah lawng dik bik tin ruat aw hlah aw. Pom thei lo le thlun hlah aw.
- Ziang tluk ih mi thiam na si khal le midang kha mi aa tin ruat mai hlah aw. A nun zalamtluan ah ziangvek an tong ti zohman ih theih mi a si lo ruangah thiamnak tla a dang awk thei ti kha ruat thiam aw.
- Kan duh mi ca, thuanthu le thilri ziang hmuahhmuah cu kan duhdan vekih duh a theih. Asinan midang ih thil duh mi cu va hmuhsuam hlah, va nautat hlah. Na duh mi kha hmai ah re in va hmuhsuam hlah aw.
