Thuthangtha simtu – Saya John No Mang
Caantluang Zarhkel (22) nak, Nihnih Ni
September 2, 2025
Pathian in a thinheng nak tuar dingah in hril lo. Sikhalsehla kan Bawipa Jesuh Khrih sungin rundamnak co dingah in hril asi. Tui kan siar mi hi minung thinheng thu si lon Pathian thinhengnak a kawhhmuh ih cui Pathian thinheng nak ihsin luat tahrat ih rundamnak co ding khi asi. Cunah thinheng nak si lo rundam ti kan hril nak asi.
Suah15:7 na thinhengnak a alh tikah na thinheng nak dai ter awla na thin cu thum sal aw. Siatsuah nak cu na minung pawl parah thleng ter hram hlah aw.
Finehas in Israel par ih ka thinheng nak cu a dai ter zo. Bawipa Pathian cu thinheng a thiam nan a dai ter thei sal ih mi a rundam thei.
Tuah rundamnak lam kan hoi thlang pei. Joshua 2:11, Joshua 6:23, Hlawhhlangnu Rahab in Jerikho thling thlatu pahnih a rak hum ruangah le Israel ih Pathian zum in Bawipa Pathian cu vanih Pathian asi ih leilung ih Pathian khal asi a ti thei ruangah a pa, a nu, a tapa pawl le a innsang an sal pawl thawn rundam nak an co asi.
Vuak a tuar nak cu kan rundamnak asi. (Js 53: 5) Jn 5: 34, Rundamnak nan nagahthei nak dingah ka sim mi si.Tirhthlah 2: 47, Cule nitin tein Bawipa in an pawl ah rundam nak ngah tu a bet vivo. Pathian in a thinhengnak tuar dingah in hril lo. Khrihsungin rundamnak co ding ah in hril a si.
Hitluk cun, rundamnak ah kan fiang ding ka zum ko. Fapa ih thu a el tu cun nunnak a nei lo dingih Pathian ih thinheng nak a tuar ding. Unau nang le kei Pathian thinheng nak tuar cu na paih in ka paih ve ding maw si? Thinhengnak si lo in rundamnak sawn ah thlentum sawn uhsi. Pathian thu a ngai tu nan zaten Pathian in mal lo sawm hai hram seh. Amen.
