India ram Tamil Nadu Velankanni ah harhdamnak Bawinu Maria hnen Novena thlacamnak cu Alan tarnak in an thok.
August 30, 2025
Tamil Nadu Velankanni harhdamnak Bawinu Maria biakinn ah an tuah mi kumtin harhdamnak bawinu Maria ih mangbangza langnak hnigilh lonak puai cu August 30 in Bawinu Maria Alan (Flag) tarnak caanserh in an rak thok ih India ram sungin minung thawnghra luan an ra.
Hi mi caanserh cu Thaniavur diocese ih Bishop T. Sagayarai in Harhdamnak Bawinu Maria zuk le Alaan (Flag) cu thlasuah peknak a nei ih cuihnu ah Alaan tarnak caan serh an rak hmang. Cumi ah vanparah meisa pangpar an thlah ih cu mi ah mipi pawl in Ave Maria, Ave Maria tiah thlacamnak an rak nei.
Hi mi cu ni 11 sung nitin Litany thlacamnak, Rosary thlacamnak, Novena thlacamnak le Missa raithawinak nak thawn an tuah ding. September 7 ah Pondicherry ih Archbishop Francis Kalist le Cuddalore in Missa an hoha dingih September 8 ah Maria suahni sunglawi zet in an hmang dingih cu mi thehah harhdamnak Bawinu Maria Alaan tar mi thlaksalnak caan serh an hmang ding a si. hi mi thuthang cu SW news in kan tarlang mi asi.
