Pope in September 1 ni ih tuah ding mi sersiamnak ni hrang Christian pawl lungrual ten hmang tlang dingah sawm.
August 31, 2025.
Pope Leo XIV in September nikhat ni ih tuah ding mi sersiam mi pawl ngaihsaknak hrang leitlun huap thlacamnak ni ah Christian zaten tel dingah tharthawh in simnak a rak nei. Hi ni ah Nicaea kum 1700 hngilh lonak ni ih tuah mi kha hrambun in “remdaihnak le ruahsannak ih thlaici pawl ti mi thuluu in tuah a si ding.
September 1niah leitlun huap Christian pawlkom cu sersiamnak ni hngilh lo nakah kum tin tuah mi “sersiamnak” ni kha lungrual ten kan upat.
Zarhpi ni Angelus thlacamnak ih thu a simnak ah Pope Leo in Pope Francis cu kan dung lam kum 10 lai in “ Sersiam mi pawl ngaihven dingah leitlun huap thlacamnak ni a rak tuah ih hi mi tuahnak caanserh kha a rak karhter thu a rak sim. Cuihleiah sersiamnak hrang thlacamnak cu a tu caanah kan dunglam hnak in a thupi vivo ih a tul hleice thu duhsan in a rak sim.
Christian zaten hi ni October 4 ni in St. Francis Assisi puai ni tiang sersiamnak tikcu caan karhter in hman a si” tiah Pope Leo XIV in a rak sim. Cuihnu ah “kum 800 reilai ih tuah zo mi sersiam mi zate unau thinlungkhat in thangthat tlangin siatral lo dingih tuanvolnak, kilvengnak in remdai ten um thei dingah a lungrual mi innpi kha din tlang uh si”tiah forhfial in a rak sim.
“Sersiamnak ni” tu kawh mi lole ( sersiamnak ni hrangih leitlun huap thlacamnak ni” ti khal ih mi theih tam mi ) hi caanserh cu 1989 kumah Orthodox biakinn ah an rak sawmnak vekin Christian biakinn tamsawn ah komkhawm in an rak tuah.
Orthodox le Protestant pawl kha lungrual tertu “the world council of Church”cu tuini ih thuanthu le a duhsan kha a langter mi video thar pakhat an rak suah.
1990 kum lai in Catholic Bishop Conference tamsawn in sersiamnak ni caanserh an rak hmang ko nan Pope Francis in 2015 kumah cui ni cu Catholic pawlpi zaten “leitlunhuap zaten thlacamnak ni” ah ngamhnget in rak din a si.
Tui kumah Pope Leo XIV in Pope pawl ih tuah daan kel vekin “2025 kum sersiamnak ni hrangah a hleice in thuthannak a rak suah.
Cu mi cu “tui kum sersiam mi hrang leitlun huap thlacamnak ni” ih thuluu a lang ter ih kan duhdawt zet mi Pope Francis in “ remdaihnak le ruahsannak ih thlaici pawl” tiah a rak ti. Hi thlacamnak ngamhnget le dinnak kum 10 nak thlacamnak le Lausato si’ cansuaknak ah a tui Jubilee Logo “ruahsan nak thawn khawmzawhtu pawl” ti mi kan hmang rero a si tiah a thuthannakah a rak telh.
Hi mi thuthang cu Vatican thuthang in a tawi zawngin kan ngan mi asi.
