Nu le Pa timi cu an mai nunram kha thap in nunnak tlaan le thi thawi ti tawih miin in cawm dawl tu pawl an si.

An duhdawtnak cu van vekih a kau, tipithuanthum vekin a thuuk ih leilungpi vekin a um ringring. Hi duhdawtnak cu ziangtikhmanah hngilh hlah.

Nu le Pa thlawsuah ti mi cu ziangtik hmanih sam theih lo mi leiba a si.

1.. Nunnak in rak pek nak thlawsuah

Nu le Pa ti mi cu fa le pawl hrangah ithmu khop loin sun, zaan in rak kilkhawi. Nauhak lai nat tinten nu le pa in an mitthil thawn in tawmhlawm.

2.. Nunram lam in rak sial sak nak thawsuah

Fimthiamnak, pawlkomnak, sundawn nak zate ih dunglamah nu le pa ih an rak pekawk nak pawl aum.

3.. Catbangloih tha in pek ringring nak thawsuah

Tlaksiat caan ih hnemnak, hlawhtlin caan ih lungawi nak pawl zate cu Nu le pa ih duhdawtnak an si.

Nu le pa pawl thawn hmunkhat ih um thei lai caan kha man nei ter aw.

“Nu le pa dam lai ah lungawi rul thiam aw” timi tongkam vekin an  mah pawl thawn caan cem ter aw.

Nu le pa an tar tikah an tul mi pawl theih thiam sak in ngaihsak aw.

Nu le pa ih ruah nak, sunmang, an duh mi pawl kha tuah sak thei ding zuam aw.

Nu le pa thlawsuah kha mang aw.

Nu le pa ih Tongkam kam khat cu nunram hrangah lamhmun nak a si.

Nu le pa thla an cem tinten fa le hrangah a si.

Nu le pa an um lo hnu lawngih an thawsuah theih cu a tlai zo.

Nu le pa thlawsuah kha ziangtikhmanah hngilh hlah. An duhdawtnak cun na hmuh lo nak hmunkip ah nangmah kha a lo kilkhawi ringring.

Curuangah Nu le pa an um laiah duhnak thu, lungawinak thu pawl sim aw. A hlunghlai zetmi caan pawl kha tuah tlang uh. Nu le pa thlawsuah ti mi cu nunram lamtluan sung sam a thei lo mi thil a si.