Pope Leo in leitlun remdaihnak ni hrang thuluu suah.
August 26, 2025
2026 kum leitlun remdaihnak ni hrang thuluu ah “ nan zate parah remdaihnak um ko seh” hriamhrei bal nak le hraimhrei a bal mi remdaihnak tumtah in Vatican ih cauk suahnak in “ remdaih hram seh”ti mi cauk pakhat cu August 26, 2025 ni ah a rak suah.
2026, January ni khat ni leitlun remdaihnak hrangah tumtah mi Bawinu Maria Pathian ih Nu a sinak ni thuluu hrangah “nan zate parah thlasuahnak um hram seh’’ hriamhrei bal dingah le hriamhrei a bal mi ramdaihnak kha hril dingah a tarlang a si.
Hi mi thuluu thawn pehpar in thuthang theih ternak ih an suahnak ah “thu dik le duhdawtnak parah hram bun mi a tak ih remdaihnak pom cio dingah le dotuarnak le ralbuainak daan tha lo kha minung zaten el cio dingah a rak sawm.
May 8, 2025 ni ih Pope Leo hrilnak a ngah nak ni ih thok in a mai caan a ngah daan ih zir in Pope Leo in hriamhrei hmang lo dingah, siatbal dingah cu ti vekih a remdaih mi leitlun pi hrangah ruahsannak a neih thu sim in zaangfah a rak dil.
Thuthang suahtu pawl in an simnakah “remdaihnak ti mi cu hriamhrei nei lo ih um a si, remdaihnak cu hraimhrei pawl, hrinhro nak pawl le tihnak parah a bun aw lo, remdaihnak ti mi cu hriamhrei siatbal ding, buainak pawl remsal thei nak, thinlung sangka pawl ongin khat le khat rinawknak , zawnruahnak le ruahsannak pawl kha a suah ter thei mi a si ding tiah a rak sim. Cu mi hman remdaihnak ngaingai a si hrih lo. Hmuh thei mi donak siseh, Laitek cia ih donak, ziangvek donak khal kan nunram ih um daan sungih sin el in hrial a tul.
Hi mi cu kan mah biaknak lam ih siseh, minung pawlkom ah ziangvek a si khal le remdaihnak hawl tlang dingah minung zate hrang leitlun thawn pehpar ih dil mi a si thu thuthang simnak lam in sawhkhih in a tarlang. Hi mi thuthang cu Vatican thuthangih suah mi sungin kan run tarlang mi asi.
