Pope Leo in Castel Gandolfo ah Laudato Si’ Village onnak caan serh hmang ding.
August 25, 2025
Pope Leo in Laudato Si’ a can suaknak kum hra kim hngilh lonak ah Castel Gandolfo ah Laudato Si’ khua kha a ong thok ding a si.
Hi khua cu leilungpi kilhimnak hrangah kilvennak, thlarau lam, fimthiamnak le kiangkap kilhimnak ah zaten pawlkomnak hmun dinhmun ih langternak a si.
September 5 ni Rome tikcu caan zanlam nazi 4 pm ah Pope Leo in Castel Gandolfo ih Pope ih thal caan an colhnak hmun thuanthu ih tang mi hmun ah onnak caanserh a hmang ding asi. Hi hmun cu mipi hrangih on a si ih kiangkap kilhimnak hrangah Pope Francis ih Laudato Si’ sungih a lang ter mi hmuhnak kha cangsuak dingah tuah mi hmun a si ih tui kum ah kum 10 a kim thlang a si.
2023 ah Laudato Si’ a sangzet mi fimthiamnak ah a hmaisabik ap a si mi Italy ttongin Borgo a si ih a san cu “Village” khua ti mi san a nei ih Pathian kan zumnak le Leitlunpi kiangkap ah a tak in tuah suak dingah, cui tlunah sualnak nei lo ih thanau bik minung pawl hrang kilkhawinak kha tuah tlangnak, Pawlpi ih Mission hnatuannak a langter a si.
A hmun cu 135 acres (Ekah) a kau ih pangpar hmuan, inn le leilung thawn pehpar ih zoh fingnak pawl le thingkung cinnak hmun pawl a um ih a tui tumtahnak cu thuanthu ah rothil bangin kil a si ih hleiah fimthiamnak, hngetkhohnak le kiangkap thansonak tuahsuak thei dingih hmailam nor in langsar ter nak pakhat ih ngamhnget mi a si.
Hi hmun cu leennak hmuh hrang lawng silo in umnak hmun, thlacamnak le Pathian lomtlang in thansonak hmun pakhat khal a si tiah tuanvo neitu lam ih thu nei tu in a langter.
Hi mi ah fimthiannak lam hnatuan tu pawl, tlawngta pawl, hi hmun ih umtu mipi pawl le bawmtu pawl thawn tonnak a nei dingih himi pawl cu mai hnatuan zuamnak in a khuh mi thiamnak thawn khuapi thar ih mission hnatuannak nungter dingah a zuam tu pawl an si tiah a rak sim.
Hi mi ah Pope Leo XIV in Pathian biakthawinak le thlasuah peknak hoha in a tuah ding a si.
Hi puai caanserh ah thlacamnak le hlasaknak khal a tel ding. Holy Father ih thlasuah pek hlante ah lungawi thusimnak hla cu leitlun hmin thang hlasak thiam Tenor Andrea Bocelli le a fapa Matteo tel in sak tlangnak a um dingih cu mi hnuah thlasuah peknak a um ding a si taih an sim.
Roman Curia, a Cozah hotu pawl, pawlkom ih hnatuan tu pawl tampi khal hi thuanthu ih tang ding mi caanserhah an tel ding a si. hi mi thang cu Vatican thuthang in kan don mi a si. kan thuthang a siartu zate par ah Pathian thlawhsuahnak um hram seh.
