France ram ihsin biaktheng hnatuantu pawl thawn tonkhawmnak ah, Pope Leo XIV cun ram mi puithiam daih lo nak cu a riahsia thu a sim a si. Biaktheng ih mino pawl pathian hnatuannak cun mipi pawl cu a sunglawi zetmi thuthuk sungah a hruai a si.
Pope Leo XIV cun France ram ihsin biaktheng hnatuantu 360 hrawng thawn an tongawk, an mah pawl cu an puithiam pawl le bishiop pawl thawn Rome khua an tlawngnak cun Jubilee kum sungih an tuah mi pakhat a si.
Pope cun an mah pawl hmun thianghlim tlawngnak cun Pathian hnen ih hawi kir salnak le zumnak le duhdawtnak thangso ter ding caantha asi ih Khrih ih rintlak dungthluntu an si sinsin theinak dingah a si.
Pope cun French Catholic mino pawl cu Jesuh thawn biakawk caan hmang ding le an thinlung in amah duhdawt sinsin dingin a sawm a si.
‘Amah duhnak cu nan nunah hmun nei ding hnakin duh mi dang a um lo, nanmah hrang a thabik le risan mi rual thabik siding’ tin a sim. “Nun cu Jesuh thawn cun a mawi mi le a nuam mi ah a cang asi.”
Pope cun cuih ruahsannak cu jubilee hmuitin mi asi. Leitlun buainak le harsatnak pawl cun Khristian pawl ih kan tul mi ruahsannak ih nuncan ziaza pawl in thei ter sal a si.
Leitlun huap thilcang mi karlak ah bulpaak natnak cu hlohnak asilole thinharnak ruangah a si ruangah Pope cun mino pawl cu in runtu Jesuh zoh ding le amah cu in duhdawt ruangah ka kiangah a um ringring a si tin a sim a si.
Jesuh in kan mah pawl in duhdawtnak le in runnak cu fiangternak a um: Thinglamtah parah amaih nunnak in pek. Nunnak pek thiang duhdawhnak hngakin a tum sawn duhdawtnak a um lo, tin a sim.
Harsatnak a phunphun tam sinsin hmanseh a mah rian in kan nunsung hnatuan tlang dingin a ruahsan thu a sim asi.
Catholic zumnak mangbangza bik cu Pathin in a mah le mah a sersiam mi pawl hrangah tuar in a thihnak a si. Kanmah hrangah thihnak tuar tiang Pathian in kanmah in duhdawt a si, tin Pope cun a sim a sim.
Minung nunram ah Pathian hnen ihsin ttihding zianghman a um lo, in duhdawt zet ih a siatral theilo mi a maih nunnak kan mah hnen ah in pek asi.
Duhdawtmi biaktheng hnatuantu pawl, Misa raithawinak cun tuihni ah in run a si. Leitlung khal tuihni a run a si, tin a sim. Khristian kan nunnak ah le Pawlpi ih nunnak hrangah a thupi zet mi asi. Pathian in duhdawtnak thawn a mah le mah, tu le tu in pek a si.
Pope Leo XIV cun French biaktheng hnatuantu pawl cu an hnatuannak parah lungawi thu a sim a si. Thawinak cu a thianghlim zet le a thupi zet timi an thinlung sungah cing ringring dingin forhfialnak a nei a si.
Hi thuthawng cu Vatican thuthang ih kan don mi a si.
