Pope Leo in remdaihnak hrang rawlulh thlacamnak tuah dingah a rak sawm. (August 20, 2025)
Pope Leo XIV in hramhrei thawn ruahnak bangawk lonak ruangih thlisia bangin a hrang mi hmun zate ah a duhnung mi remdaihnak hrangah August 22, 2025 ni ah rawlulh thlacamnak lungrual ten tuah tlang dingah zumtu pawl hnen a rak sawm.
Amai zarhtin mipi a ton ni ah Paul VI Hall ih a ratu zumtu pawl hnen Pope in Leitlun buainak hmun tin hrangah remdaihnak a um theinak ding hrang a rak hlawm.
Biaknak kum sungih hman mi Bawinu Maria daihnak Siangpahrang Bawinu a sinak puai ni Tlawngkai 5, August 22 ni ah zumtu pawl hnen remdaihnak hrang rawlul thlacamnak tuah cio dingah a rak sawm.
Mary cu hi leitlun zumtu pawlih Nu a si ih daihnak Siangpahrang Bawinu a si vekin in in hngilh lo ding tiah Pope in a rak sim.
Kan leilungpi cu ralbuainak in hriamhma a ngah rero bangtukin Holy lang, Ukraine le leitlun hmuntin ah ral ruangih harsatnak a tongtu zate hrangah thlacamnak le rawlulhnak ni ah tel ve dingin zumtu zaten a sawm ih Bawipa in remnak le daihnak in pe hram seh tiah a rak sim.
Remdaihnak Siangpahrang Bawinu Maria in remdaihnak kan hmuh theinak dingah thla in camsak ding tiah pehbet in a rak sim.
Pope Leo khal in Jasna Góra, Częstochowa khua ih Bawinu Maria tualrawnah Poland ttong a hmang mi khawmzawhtu pawl khal cibai a rak buk. Hi mithuhtang cu Vatican thuthang in a tawizawngin kan ngan mi asi.
