Castel Gandolfo ih Angelus thlacam hlan ah, Pope cun “ thudik thuhman vekih tuah cu man a nei, asinan leitlun minung pawl thudiklo hril pawl khal an um asi’ tin ralrinnak in pek. Mi hngalhnong, misual pawl lehrul lo ding. Jesuh Khrih cun “a hmanmi duhdawtnak sungah rinum dingin” martar pawl vekin ziangvek harsatnak caan khalah um dingah in forhfial mi cu kan ruat sal a tul.
Tihduhdahnak cu Bawi Khrih dungthlun dingih hriltu pawl in an tuar a si. Bawi Khrih dungtlun cu a nuammi lamzin a si lo tin Pope cun zarhpi Angelus thlacamnak ah a sim. Pope cun Pathian biaknak ih ra mi 2500 hrawng pumkhawmnak cu Castel Gandolfo ih Piazza della Liberta ah, Albano ih Santa Maria della Rotonda ah zinglam Misa raithawinak theh ah an nei.
Bawi Khrih in a maih nunnak liam tiang in a phuan mi Pathian ih thuthangtha a si mi thudik thuhman le duhdawtnak cu linglet in thuthangtha kengtu cu an kai ih an hrem hnuah thinglamtah ah an khengbet a si.
Bawi Khrih kengmi duhdawtnak thudik thuhman thawn minung pawlkom din ih um tlang dingin hlanlai zuamtu Khristian pawl tla Bawi Khrih vekin hremnak le thahnak an tong a si.
A tulai caan leitlun hmuhnak le ruahnak pawl cu nehnak pek lo in hmaton ding a si. Kanmah pawl inhrem ih harsat tuar dingin an tuah hmanah thiltha tuah in, dungsip lo dingin Bawi Khrih in in ko a si.
Thinhengnak cu lehrul lo ding. Ziangvek tikcu caan hmanah thudik thuhman ih um mi duhdawtnak ah rinum ding asi. Hi thudik thuhman ah rinumnak cu Martar pawl zumnak hrangah an thisen luannak a si. Kannih khal Martar pawl zoh thim in kan zuam pei.
Thuthimnak ah fale pawl a tha mi daan le a tha mi fimthiamnak ngah ter du asiahcun nu le pa pawlin an pekawk a tul a si. Himi cu fale pawl in harsatnak tin an hmu ih an duhlo asile nu le pa in fale pawl zirhin an kaihruai a tul a si.
Saya pakhat in amaih tlawngta thuthangtha ih zirhmi thawn bangrep in tuan duhnak thinlung neitu a silole mifim mithiam pakhat, pawlpi hnatuan pakhat, politician pakhat si in amaih ih Missian thaten tuah duhnak thinlung neitu pawl feh daan dik ah thangso ter duhnak thawn a bangrep a si.
Pathian biak dingin a ratu pawl cu Bawi Nu Maria hnenah thla caam uh la a mah in a lo bawm ding asi. Ziangvek tikcu caan khalah Pathian hnenah rinumnak kan nei ding tin Pope Leo cun a sim a si.
Hi thuthang cu Vatican thuthang ih kan don mi a si.
