Pontifical Villas hmuan ih Caritas Albano bawmmi mifarah pawl thawn sunrawl ei hlanah Pope cun kan mah pakhat ciar cu Pathian ih hmuihmel keng ih sersiam mi ka si ruangah “mi pakhat ciar ah Pathian a um tin kan hmu thei” a si tin a sim.

Castel Gandolfo ih Pontifical Villas hmuan sersiam mi thil mawi pawl le leitlun mawinak lakah khuacuannak inn tumpi tangah mifarah pawl than sunrawl einak an tuah. Cuih hmunah Pope cun “sersiam mi hmuahhmuah lakah a mawibik Pathian ih hmuihmel keng in tuah mi pakhat ciar kan si’ thu a sim a si.

Kan pakhat ciar Pathian hmuihmei ka ruat sal ding tin a sim. Hi thudik thuhman cu ka thei ringring a tul. Kan mah pakhat ciar ah Pathian umnak tin kan hmu thei a si. Sun hnu Albano Laziale Diocese le Borgo Laudato Si’ tawlrel mi sunrawl ei dingih pumkhawmnak cu Pathian thawn hmunkhat in, unau sinak, pehtlaihawknak ih hmuh tonnak a si.

A ratu mikhual zakhat hnakih tam zoh a si le, Albano diocesan Caritas ih kilkhawi mi  mi farah leh thanau mi pawl, a burpi inn le buk ih um mi pawl, inn neilo pawl, Listening centers ih kilkhawi mi pawl an si. Pope cun “hmunkhat sang phelnak cu kan zaten hrangah a thupi zet a si ih Bawi Khrih cu kanmah lakah a umthu kan theisal nak a si.”tin a sim.

Pope cun “Himi cu a thianghlim mi Masa raithawinak a si, cabuai ah kan pumkhawm nak cu Bawipa thlasuah in pekmi hlawmawknak a si” Rawk ei hlan ah Pope cun “kan ngah mi laksawng pawl parah”,  “rawlei ding in timtuah saktu pawl zaten parah” le hi rawlei pui cangthei dingih tawlrel tu pawl hrangah Pathian thluasuah a dil a si. “kanmah in bawm aw, Bawipa, Na duhdawtnak suangah lungrual ten kan um ringring theinak dingah” tin thlacam in a cemter a si.

Hi thuthang cu vatican thuthanng ih kan ngah mi a si.