Pope cun kan dung tlawngkai nili ni ah Italy ram, Venice khuapi Santa Maria Maggiore thawngin ih um mi thawngtlak pathum thawn an tawng awk. Hi thawngtlak pathum cu Pathian biak ding ih a ra mi mi dang pawl thawn an ra tlang a si. Pathian biak ding ih ra mi pawl cu Arcbishiop Francesco Moraglia, thawngtlak pawl thlarau lam tuanvo lak tu Puithiam Massimo Cadamuro le pawlpi hnatuan pawl in an hoha a si. Pathian biak ding ih ra tu pawl cu km 500 tlangleng thawn an ra ih km 100 a hla mi Terni ih sin Rome khua tiang ke in an ra a si.

Thawng tlak pawl a tu vek in Jubilee kum sung ah Pathian biak ding ih an feh siannak cu Jubilee kum ih hmuitin mi vek in mi hmuahhmuah nun ram sualnak le thlarau lam sualnak ih luatnak ngah thei dingin ruah san a si thu, hi Pathian biak ding ih rat nak ruangah nun ram ih ruah sannak pawl thangso ding tin an ruahsan thu Puithiam Masica in a sim. Pathian biak caan a cem lam ah thawng tlak pawl cu Pope thawn tawng awk dingin an dil ih Pope cun lungawi sopar ten a tawng a si. A tu vekin thawngtlak pawl cu midang pawl vekin Pathiang biaknak caan an feh mi cu midang pawl thawn nel awknak ding hrang  a si.

Thawng tlak pawl kilkhawinak cu Pathian hnatuan pakhat a si. Arcbishop in thawngtlak pawl a suah hnu ah midang pawl thawn nelawk nak a um thei nak dingin, Italy ram thuthen tu thawn tla an tawng awk a si.

Hi thuthang cu Vatican thuthang ih kan don mi a si.