Na duh mi thil hnakin na tul mi thil kha tuah sawn aw. Tui reilo te caan lawng zoh hlah na nundam sung hrang zoh aw. Hrek khat thil pawl cu duh an um zet. Asinan na hrangah A mahkhan nak a um lo. A thupi mi le thil tul lemlo kha thleidan thiam a tul.

Nunram cu tongfang men ih ngan a theih lo. Tuah nak thawn tawlrel thiam tu va si aw.

Ruahsan nak pawl a hloh tikah tungding sal dingin zuam aw. Nunram ti mi cu tluksawn ding a ol vekin tun ding sal ding ti mi cu a har tuk.

Sunmang ti mi cu man nei lo ih man a theih ko nan a nagingai ih cang suah dingah cun ti thei tawk ih zuam ding a si. Mah le mah lawng kha rinsan ding a si. Mah le mah zum awk sung ah cun nung sung hmuahhmuah a san a um lai.

Mai zawh rero mi lamtluan ah harsat ton caan ih sun nak pek duh caan asile ziangruangah na rak thok ti mi kha mang sal aw.

Midang thawi bangaw lo mi harsak nak kha pahsuah caan ah midang thawn bangaw lo mi thinlung nomnak pawl ngah ding ti mi kha zum aw ka rual.

Thawng a keng lo tu nauhak cu ruahsur lakah tlan a cak theu. Hmuitin nei lo mi minung cu hmuitin nei mi minung hrangah hna a tuan sak.

Degree ti mi cu ngun hminsinnak, sinak ti mi cu paisa hminsinnak, pawlkom thiamnak ti mi cu sui hminsinnak a si. Duhdawtnak ti mi cu felfai zet mi a si thei. Olsam ten cu a si thei lo. Mipa tha ti mi cu thlemnak kha tha te ih tuar thei tu si a tulvekin miral tha ti mi cu mah lawng um nak cu a tuar thei a tul.

A mawi zet mi lasi fala ti mi cu leilungtlun ah an um ngaingai lo. Thinlung tha mi nunau ti mi lawng an um. Mi huat a tuar tu cu ziang siatsuah nak hman an tong lo. A huatu ih thinlung sung lawngah hriamhma a khat in a um theu.

Nunram harsat nak kha nangmah ten pahtlang ngamnak na nei lo a sile nangmai hrangih raltha tu ding an um lo.

Buainak na tong a sile nangmah le nangmah kha suttaw aw. Ziangtin kim mawh puh a si le buainak ti mi cu ziangtikhmanah a cem dah lo ding.