Voikhat  laiah Hramlak hmunkhat ih a um mi rawl a hawl tu Sabek pakhat a um. Sabek cu rualpi tampi a nei ih a rualpi pawl hrang khal ah a mah cu upat tlak a si ringring. Nikhat ahcun Sabek cu Ramui pawl ih ring zet ih an au aw kha a thei. A tih tuk tu Sabek cu a mah te lawng a um ngam nawn lo ih a rualpi a si mi Zukneng hnen ah a feh.

“Ka rual, Ramui pawl ih au aw ka thei ih na hnen ah ka ra thleng. A sau zet mi na ki thawn Ramui pawl kha i dawi sak aw” tin zukneng hnen ah zangfah bawm nak a dil. Zukneng in “si tuk ee ka tuah thei tuk pan teh. A sinan tu cu a si hrih lo. Ka man hrih lo. Kiosa hnen ah sim hnik aw tin Zukneng in Sabek cu a ti.

Cutin Sabek cu Kiosa hnenah a feh ih “ micak zet ka rual i bawm hram aw. Ramui pawl in in ei thlang ding. An mah pawl kha i dawi sak hram aw” tin a ti. Kiosa khal in “Haa .. Sorry tuk maw ka rual ka rilrawng tuk ih rawl ka hawl ta ding. Ka bang tuk. Na rual Zawng sim tahnik a ti ih Sabek cu Zawng hnen ah a feh lala.

A ngah lo tikah Vui pawl hnen ah a feh lala. Cu theh in Mee pawl thawn a dang Sabek pawl thawn le a rualpi pawl hnen ah an feh ih zangfah bawm nak an dil. A sinan zohman in an mah bawm ding in an man hrih hai lo. 

Sabek cu a riahsia em in thu a theithiam thlang. Hramrul nak ah a rol ruangah Sabek fate pawl cu Ramui pawl ih deh nak ding ihsin an luat asi. Cui sinthok in Sabek cu ziangthil par ah siseh a mah le a mah rinsan aw dingin a zuam asi.

Midang par ih hngohsan cu a hmun ringring lo ih mah le mah rinsan awk lawng kha hlawk nak a um thu kha Sabek cun a theithiam thlang asi.